QR Investitsiia jáne damý ministri jyl sońyna deiin ushaqpen jol júrý baǵasy aitarlyqtai tómendeitinin málimdedi, - dep habarlaidy KTK telearnasy. Osyǵan bailanysty biyl áýedegi apattyń saldaryn tergep, tekseretin jańa memlekettik organ qurylady.
Jeńis Qasymbektiń aitýynsha, elimizde kerosin tapshy eken. Sondyqtan bilettiń baǵasy da joǵary.
"Kerosinniń 60 paiyzyn shetelden tasymaldaimyz. Al bilet qunynyń 30 paiyzy janarmai baǵasyna bailanysty. Elimizdegi munai óńdeitin zaýyttar qaita iske qosylǵan soń tapshylyqtan qutylamyz. Otandyq ushaqtarǵa jylyna 800 myń tonna kerosin kerek", - dedi ministr.
Iaǵni, jyl sońyna qarai áýekompaniialaryna biletti arzandatý týraly talap qoiylady. Eger baǵany tómendetýden bas tartsa, baǵytty basqa tasymaldaýshylarǵa beremiz deidi ministr. Sondai-aq, senatorlar jiilep ketken ushaq apattaryna qatysty tekserýdi siyrquiymshaqtandyryp, naqty sebebin jariialaýdan qashatyn sheneýnikterge de shúilikti. Bul rette Muhtar Altynbaev áýedegi qaýipsizdik pen tótenshe jaǵdailardy zertteitin bólek organ qurýdy usyndy.
Sondai-aq, ministr azamattyq aviatsiia komiteti áýe keńistiginde bolǵan apatty, tótenshe jaǵdaidy tekserý jumystaryna aralaspaitynyn aitty. "Oǵan komitettiń esh qatysy joq. Al kólik prokýratýrasynyń talaptaryna qatysty dálel, ýájimiz bar", - dedi Qasymbek.
