Biyl elimizdiń ulttyq jáne memlekettik joǵary oqý oryndary oqytýshylarynyń jalaqysy ósti. Bul týraly QR Bilim jáne ǵylym ministrligi Joǵary jáne joǵary oqý oqý ornynan keiingi bilim departamentiniń direktory Ádilet Toibaev aitty, dep habarlaidy QazAqparat.
«Biyl ulttyq joǵary oqý oryndarynda professor laýazymy deńgeiindegi jalaqy 29 paiyzǵa artyp, 272 myń teńgege, memlekettik JOO-larda 19 paiyzǵa artyp, 248 myń teńgege jetti. Ulttyq JOO-larda professor-dotsent deńgeiinde jalaqy 31, memlekettik JOO-larda 11 paiyzǵa artty. Ulttyq JOO-lardyń aǵa oqytýshylary jalaqysy qyrkúiekte 32, memlekettik JOO-larda 18 paiyzǵa ósip, respýblika boiynsha 116 myń teńgeni qurady», - dedi Ádilet Toibaev ministrliktiń apparat jinalysynda.
Onyń aitýynsha, jalaqynyń ósýi memlekettik bilim tapsyrystarynyń artýy esebinen oryn alyp otyr. Atap aitqanda, 2019 jyly ulttyq JOO-lardaǵy memlekettik bilim tapsyrysy 636 myń bolsa, 2020 jyly ol 1 008 200 teńgege jetti. Memlekettik JOO-lardaǵy pedagogikalyq baǵyt boiynsha memlekettik bilim tapsyrysy 443 myńnan 901 myńǵa deiin artty. Joǵary oqý oryndary joǵarylatylǵan memlekettik tapsyrys 1 qyrkúiekten aldy.
«Memlekettik JOO-lardaǵy oqytýshylardyń jalaqysy respýblika boiynsha orta eseppen 98 myńnan 116 myńǵa deiin, dotsentterde 175 myńan 193 myńǵa deiin, professorlarda 209 myńnan 248 myńǵa deiin kóterildi», - dedi departament basshysy.
Ádilet Toibaevtyń dereginshe, professorlar L.Gýmilev atyndaǵy Eýraziia ulttyq ýniversitetinde 386 myń teńge, Abai atyndaǵy Qazaq ulttyq pedagogikalyq ýniversitetinde 306 myń, Jubanov atyndaǵy ýniversitette 186 myń, oqytýshylar Amanjolov atyndaǵy ýniversitette 128 myń, Qyzdar pedagogikalyq ýniversitetinde 149 myń myń teńge jalaqy alady.
