بيىل ەلٸمٸزدٸڭ ۇلتتىق جەنە مەملەكەتتٸك جوعارى وقۋ ورىندارى وقىتۋشىلارىنىڭ جالاقىسى ٶستٸ. بۇل تۋرالى قر بٸلٸم جەنە عىلىم مينيسترلٸگٸ جوعارى جەنە جوعارى وقۋ وقۋ ورنىنان كەيٸنگٸ بٸلٸم دەپارتامەنتٸنٸڭ ديرەكتورى ەدٸلەت تويباەۆ ايتتى, دەپ حابارلايدى قازاقپارات.
«بيىل ۇلتتىق جوعارى وقۋ ورىندارىندا پروفەسسور لاۋازىمى دەڭگەيٸندەگٸ جالاقى 29 پايىزعا ارتىپ, 272 مىڭ تەڭگەگە, مەملەكەتتٸك جوو-لاردا 19 پايىزعا ارتىپ, 248 مىڭ تەڭگەگە جەتتٸ. ۇلتتىق جوو-لاردا پروفەسسور-دوتسەنت دەڭگەيٸندە جالاقى 31, مەملەكەتتٸك جوو-لاردا 11 پايىزعا ارتتى. ۇلتتىق جوو-لاردىڭ اعا وقىتۋشىلارى جالاقىسى قىركٷيەكتە 32, مەملەكەتتٸك جوو-لاردا 18 پايىزعا ٶسٸپ, رەسپۋبليكا بويىنشا 116 مىڭ تەڭگەنٸ قۇرادى», - دەدٸ ەدٸلەت تويباەۆ مينيسترلٸكتٸڭ اپپارات جينالىسىندا.
ونىڭ ايتۋىنشا, جالاقىنىڭ ٶسۋٸ مەملەكەتتٸك بٸلٸم تاپسىرىستارىنىڭ ارتۋى ەسەبٸنەن ورىن الىپ وتىر. اتاپ ايتقاندا, 2019 جىلى ۇلتتىق جوو-لارداعى مەملەكەتتٸك بٸلٸم تاپسىرىسى 636 مىڭ بولسا, 2020 جىلى ول 1 008 200 تەڭگەگە جەتتٸ. مەملەكەتتٸك جوو-لارداعى پەداگوگيكالىق باعىت بويىنشا مەملەكەتتٸك بٸلٸم تاپسىرىسى 443 مىڭنان 901 مىڭعا دەيٸن ارتتى. جوعارى وقۋ ورىندارى جوعارىلاتىلعان مەملەكەتتٸك تاپسىرىس 1 قىركٷيەكتەن الدى.
«مەملەكەتتٸك جوو-لارداعى وقىتۋشىلاردىڭ جالاقىسى رەسپۋبليكا بويىنشا ورتا ەسەپپەن 98 مىڭنان 116 مىڭعا دەيٸن, دوتسەنتتەردە 175 مىڭان 193 مىڭعا دەيٸن, پروفەسسورلاردا 209 مىڭنان 248 مىڭعا دەيٸن كٶتەرٸلدٸ», - دەدٸ دەپارتامەنت باسشىسى.
ەدٸلەت تويباەۆتىڭ دەرەگٸنشە, پروفەسسورلار ل.گۋميلەۆ اتىنداعى ەۋرازييا ۇلتتىق ۋنيۆەرسيتەتٸندە 386 مىڭ تەڭگە, اباي اتىنداعى قازاق ۇلتتىق پەداگوگيكالىق ۋنيۆەرسيتەتٸندە 306 مىڭ, جۇبانوۆ اتىنداعى ۋنيۆەرسيتەتتە 186 مىڭ, وقىتۋشىلار امانجولوۆ اتىنداعى ۋنيۆەرسيتەتتە 128 مىڭ, قىزدار پەداگوگيكالىق ۋنيۆەرسيتەتٸندە 149 مىڭ مىڭ تەڭگە جالاقى الادى.
