Elimizde eńbekke qabilettiligin joǵaltqanda jáne asyraýshysynan aiyrylǵanda beriletin járdemaqy 5 paiyzǵa ósti. Bul týraly "Ult aqparat" Eńbek jáne áleýmettik qorǵaý ministrliginiń baspasóz qyzmetine silteme jasap habarlaidy.
2019 jyldyń 1 qańtarynan bastap respýblikalyq biýdjetten beriletin balamaly tólemderdi indeksaktsiialaý esebinen Memlekettik áleýmettik saqtandyrý qorynan eńbek qabilettiligin joǵaltqan jaǵdaida jáne asyraýshysynan aiyrylǵanda beriletin járdemaqy osy sanattaǵylardyń barlyǵyna 5 paiyzǵa artty.
Bul 88,3 myń eńbekke jaramsyz bolyp qalǵan áleýmettik járdemaqy alatyn jáne 50,1 myń asyraýshysynan aiyrylǵan áleýmettik járdemaqy alatyndarǵa qatysty.
«Osy oraida, eńbekke jaramsyz bolap qalǵan jaǵdaida beriletin ortasha áleýmettik járdemaqy kólemi 15,9 myńnan 16,6 myń teńgege deiin, asyraýshysynan aiyrylǵanda beriletin ortasha áleýmettik járdemaqy 20,6 myńnan 21,7 myń teńgege deiin ósti», - delingen ministrliktiń baspasóz habarlamasynda.
