Foto:mg.youm7.com
Biylǵy jyldyń maýsym aiynda Qazaqstanda zergerlik buiymdar men saǵattardyń baǵasy 1,8%, al bir jylda 35,3% qymbattady, dep habarlaidy QazAqparat Energyprom.kz saityna silteme jasap.
Onyń ishinde altyn neke saqinalary jylyna 38,9%, qol saǵattary 15,2% qymbattady.
Óńirlik bóliniste zergerlik buiymdar men saǵattardyń baǵasy Soltústik Qazaqstan oblysynda aitarlyqtai ósken - bir jylda 61%. Qymbat baǵalar «úshtiginde» Almaty oblysy (jylyna 60,6%) jáne Nur-Sultan (jylyna 52,5%) qalasy bar.
Biylǵy qańtar–mamyr ailarynda zergerlik buiymdar óndirisi 478,4 mln teńgeni qurady. Ótken jyldyń sáikes kezeńinde kórsetkish 451,3 mln teńge bolǵan edi. Óńirlik bóliniste óndiristiń eń úlken kólemi Almatyda (43,3% nemese 207,3 mln teńge) shoǵyrlanǵan. Alǵashqy úshtik qatarynda Nur-Sultan qalasy men Qaraǵandy oblysy bar.
Jalpy, 2021 jyly sektordaǵy óndiris 1,6 mlrd teńgeni qurady. Bul 2020 jylǵa qaraǵanda eki ese kóp.
