فوتو:mg.youm7.com
بيىلعى جىلدىڭ ماۋسىم ايىندا قازاقستاندا زەرگەرلٸك بۇيىمدار مەن ساعاتتاردىڭ باعاسى 1,8%, ال بٸر جىلدا 35,3% قىمباتتادى, دەپ حابارلايدى قازاقپارات Energyprom.kz سايتىنا سٸلتەمە جاساپ.
ونىڭ ٸشٸندە التىن نەكە ساقينالارى جىلىنا 38,9%, قول ساعاتتارى 15,2% قىمباتتادى.
ٶڭٸرلٸك بٶلٸنٸستە زەرگەرلٸك بۇيىمدار مەن ساعاتتاردىڭ باعاسى سولتٷستٸك قازاقستان وبلىسىندا ايتارلىقتاي ٶسكەن - بٸر جىلدا 61%. قىمبات باعالار «ٷشتٸگٸندە» الماتى وبلىسى (جىلىنا 60,6%) جەنە نۇر-سۇلتان (جىلىنا 52,5%) قالاسى بار.
بيىلعى قاڭتار–مامىر ايلارىندا زەرگەرلٸك بۇيىمدار ٶندٸرٸسٸ 478,4 ملن تەڭگەنٸ قۇرادى. ٶتكەن جىلدىڭ سەيكەس كەزەڭٸندە كٶرسەتكٸش 451,3 ملن تەڭگە بولعان ەدٸ. ٶڭٸرلٸك بٶلٸنٸستە ٶندٸرٸستٸڭ ەڭ ٷلكەن كٶلەمٸ الماتىدا (43,3% نەمەسە 207,3 ملن تەڭگە) شوعىرلانعان. العاشقى ٷشتٸك قاتارىندا نۇر-سۇلتان قالاسى مەن قاراعاندى وبلىسى بار.
جالپى, 2021 جىلى سەكتورداعى ٶندٸرٸس 1,6 ملرد تەڭگەنٸ قۇرادى. بۇل 2020 جىلعا قاراعاندا ەكٸ ەسە كٶپ.
