Memleket basshysynyń tapsyrmasyna sáikes elimizde bilim berý sapasy men qoljetimdiligin arttyrý, sondai-aq oqýshy oryndarynyń tapshylyǵyn azaitý baǵytynda keshendi jumystar júrgizilýde, dep habarlaidy ult.kz.
Osy maqsatta memlekettik jáne jekemenshik bilim berý uiymdarynyń damýyna qolaily jaǵdai jasalýda. Búginde elimizde 8 myńnan astam mektep jumys isteidi, onda 3,9 mln oqýshy bilim alýda. Memlekettiń eleýli qoldaýynyń arqasynda sońǵy bes jylda jekemenshik mektepterdiń sany eki eseden astam ósip, 856-ǵa jetti.
«Bul mektepterde 325 myń oqýshy bilim alyp, 32 myńnan astam pedagog eńbek etedi. Qazirgi tańda 749 jekemenshik mektep memlekettik bilim berý tapsyrysyn alady. Jekemenshik mektepter men ondaǵy bilim alýshylardyń eń kóp shoǵyrlanǵan óńirleri – Túrkistan oblysy, sondai-aq Shymkent, Almaty jáne Astana qalalary», - dedi QR oqý-aǵartý vitse-ministri Jaiyq Sharabasov OKQ alańynda ótken baspasóz konferentsiiasynda.
