QR Ishki ister ministrligi «Quqyqtyq tártip» jedel aldyn alý sharasyn júrgizip, úsh kúnde 1420 qylmystyń tirkelgenin anyqtady, dep habarlaidy "Ult aqparat".
«Jeltoqsan merekesi qarsańynda el aýmaǵynda «Quqyqtyq tártip» jedel aldyn alý sharasy ótkizildi. Sharaǵa Ishki ister organdarynyń 17 myń qyzmetkeri jáne Ulttyq ulannyń 4 myńnan astam áskeri qyzmetshisi qatysty. Naýqan arqyly úsh kúnde 1 420 qylmys tirkeldi jáne buryn jasalǵan 338 qylmys ashylyp, izdeýde júrgen 80 qylmysker ustaldy», - dedi QR Ishki ister ministrliginiń resmi ókili Nurdildá Oraz ministrlikte ótken onlain brifingte.
Ishki ister organdarynyń profilaktikalyq esebinde turǵan 43 myńnan astam adam tekserilip, 335-iniń shekteýlerdi buzǵany anyqtaldy.
Esirtki zattaryn saqtaǵany úshin 93 adam, sýyq jáne atys qarýyn alyp júrgeni úshin – 235 adam ustalǵan.
45 myńnan astam ákimshilik quqyqbuzýshylyq anyqtalǵan, onyń ishinde 4,5 myńnan astam usaq buzaqylyq, 2 300 – tynyshtyqty buzý, 6 myń – spirttik ishimdik ishý nemese qoǵamdyq oryndarda mas bolý tirkelgen.
Kámeletke tolmaǵandarǵa qatysty quqyqbuzýshylyqtardyń da aldyn alýǵa kóńil bólindi.
«6 myńnan astam ata-ana balalardy tárbieleý boiynsha mindetterin oryndamaǵany úshin jaýapkershilikke tartyldy, kámeletke tolmaǵandardyń túngi ýaqytta óz betterimen júrýine qatysty 2300 jaǵdai anyqtaldy.
