Densaýlyq saqtaý ministri Aleksei Tsoi 15 qyrkúiekten bastap búginge deiin 1,8 mln adamǵa tumaýǵa qarsy vaktsina salynǵanyn málim etti, dep habarlaidy "Ult aqparat".
«Elimizde maýsymdyq infektsiialardyń qarqyny men koronavirýs infektsiiasynyń jańa tolqynyn basý úshin 15 qyrkúiekten bastap tumaýǵa qarsy maqsatty toptarǵa ekpe júrgizilip jatyr. Ol úshin tumaýǵa qarsy 2,2 mln vaktsina satylyp alyndy. Bul – jalpy halyqtyń 11 paiyzyn ekpe jumystarymen qamtýǵa múmkindik berdi. Qazirgi ýaqytta 1,8 mln adam vaktsinadan ótti. Osy aptanyń sońynda vaktsina jumystary tolyǵymen aiaqtalady», - dedi Aleksei Tsoi OKQ-da ótken baspasóz máslihatynda.
Eske sala ketsek buǵan deiin Aleksei Tsoi koronavirýs juqtyrý deńgeii qaita órshigen álem elderin ataǵan bolatyn.
