Sáýir aiynda elimizde 600 test synamasy bolady. Bul týraly eldegi koronavirýs infektsiiasy boiynsha qazirgi jaily onlain brifingte aityldy, dep habarlaidy QazAqparat.
«Qazirgi ýaqytta dúnie júzi boiynsha genetikalyq PTsR degen bir test qana diagnoz qoiýǵa bekitilgen. Ekspress test paida bolǵanymen, naýqastyń dertin rastap, emdeýge jaramaidy. Elimizde PTsR test jasaityn 19 zerthana bar. Olardyń kúnine 6 000 test jasaýǵa múmkindigi bar. Qańtardan bastap 25 myń test ótkizildi. Ótken táýlik boiynsha bir jarym myń test jasap jatyrmyz. Sonymen el boiynsha 6 myń test jasaýǵa múmkindigimiz bar. Nur-Sultan, Almaty qalalarynda júkteme kóp ekenin eskerip, elordada test jasaityn 3 zerthana ashtyq. Taǵy 2 zerthana osy aptada ashylady. Almatyda taǵy 3 zerthana ashylady. Basqa óńirlerdi qosqanda jalpy 10 zerthana ashylmaq. Osylaisha sáýir aiynyń basynda 12 myń test jasaýǵa múmkindik bolady», - deidi QR Densaýlyq saqtaý ministri Eljan Birtanov.
Ol qazirgi ýaqytta 300 myń test bar ekenin aitty.
«Búgin memlekettik komissiia qosymsha taǵy 300 myń test satyp alý jóninde sheshim qabyldady. Sonda elimizde 600 myń test bolady. Epidemiiany baqylaý úshin bir naýqasqa 200 test jasaý múmkindigi bolady. Bul – Koreianyń deńgeii. Otandyq kásipkerlerdiń demeýshiligimen eskpres test qoldaný múmkindigin de beremiz. Algoritm bekitilgen. Memleket tarapynan 380 myń tegin test ótkiziledi. Ol sozylmaly aýrýy bar, qart adamdar nemese karantinde jatqan azamattar, shetelden kelip jatqan azamattar siiaqty táýekeli joǵary azamattardy skriningten ótkizýge qoldanylady. Bul testi tek memlekettik emes, jeke menshik zerthanalarǵa ótkizýge de ruqsat berdik. Bul tek bekitilgen standart boiynsha jasalýy kerek. Arnaiy azamattar tegin alady jáne aqyly deńgeide alýǵa da múmkindik beriledi», - deidi ol.
