سەۋٸر ايىندا ەلٸمٸزدە 600 تەست سىناماسى بولادى. بۇل تۋرالى ەلدەگٸ كوروناۆيرۋس ينفەكتسيياسى بويىنشا قازٸرگٸ جايلى ونلاين بريفينگتە ايتىلدى, دەپ حابارلايدى قازاقپارات.
«قازٸرگٸ ۋاقىتتا دٷنيە جٷزٸ بويىنشا گەنەتيكالىق پتسر دەگەن بٸر تەست قانا دياگنوز قويۋعا بەكٸتٸلگەن. ەكسپرەسس تەست پايدا بولعانىمەن, ناۋقاستىڭ دەرتٸن راستاپ, ەمدەۋگە جارامايدى. ەلٸمٸزدە پتسر تەست جاسايتىن 19 زەرتحانا بار. ولاردىڭ كٷنٸنە 6 000 تەست جاساۋعا مٷمكٸندٸگٸ بار. قاڭتاردان باستاپ 25 مىڭ تەست ٶتكٸزٸلدٸ. ٶتكەن تەۋلٸك بويىنشا بٸر جارىم مىڭ تەست جاساپ جاتىرمىز. سونىمەن ەل بويىنشا 6 مىڭ تەست جاساۋعا مٷمكٸندٸگٸمٸز بار. نۇر-سۇلتان, الماتى قالالارىندا جٷكتەمە كٶپ ەكەنٸن ەسكەرٸپ, ەلوردادا تەست جاسايتىن 3 زەرتحانا اشتىق. تاعى 2 زەرتحانا وسى اپتادا اشىلادى. الماتىدا تاعى 3 زەرتحانا اشىلادى. باسقا ٶڭٸرلەردٸ قوسقاندا جالپى 10 زەرتحانا اشىلماق. وسىلايشا سەۋٸر ايىنىڭ باسىندا 12 مىڭ تەست جاساۋعا مٷمكٸندٸك بولادى», - دەيدٸ قر دەنساۋلىق ساقتاۋ مينيسترٸ ەلجان بٸرتانوۆ.
ول قازٸرگٸ ۋاقىتتا 300 مىڭ تەست بار ەكەنٸن ايتتى.
«بٷگٸن مەملەكەتتٸك كوميسسييا قوسىمشا تاعى 300 مىڭ تەست ساتىپ الۋ جٶنٸندە شەشٸم قابىلدادى. سوندا ەلٸمٸزدە 600 مىڭ تەست بولادى. ەپيدەمييانى باقىلاۋ ٷشٸن بٸر ناۋقاسقا 200 تەست جاساۋ مٷمكٸندٸگٸ بولادى. بۇل – كورەيانىڭ دەڭگەيٸ. وتاندىق كەسٸپكەرلەردٸڭ دەمەۋشٸلٸگٸمەن ەسكپرەس تەست قولدانۋ مٷمكٸندٸگٸن دە بەرەمٸز. الگوريتم بەكٸتٸلگەن. مەملەكەت تاراپىنان 380 مىڭ تەگٸن تەست ٶتكٸزٸلەدٸ. ول سوزىلمالى اۋرۋى بار, قارت ادامدار نەمەسە كارانتيندە جاتقان ازاماتتار, شەتەلدەن كەلٸپ جاتقان ازاماتتار سيياقتى تەۋەكەلٸ جوعارى ازاماتتاردى سكرينينگتەن ٶتكٸزۋگە قولدانىلادى. بۇل تەستٸ تەك مەملەكەتتٸك ەمەس, جەكە مەنشٸك زەرتحانالارعا ٶتكٸزۋگە دە رۇقسات بەردٸك. بۇل تەك بەكٸتٸلگەن ستاندارت بويىنشا جاسالۋى كەرەك. ارنايى ازاماتتار تەگٸن الادى جەنە اقىلى دەڭگەيدە الۋعا دا مٷمكٸندٸك بەرٸلەدٸ», - دەيدٸ ول.
