Elimizde terrorizmmen kúres úshin 286 milliard teńge jumsalmaq

QR Ulttyq qaýipsizdik komiteti dini ekstremizm men terrorizmge qarsy is-qimyl jónindegi 2018 - 2022 jyldarǵa arnalǵan memlekettik baǵdarlamany ázirledi. Is-shara jospary Ashyq NQA portalynda jariialandy. Endi ony elimizdiń kez kelgen turǵyny 6 aqpanǵa deiin talqylai alady. Baǵdarlamany ázirleý kezinde Norvegiianyń, Finliandiianyń, Kanadanyń, Amerika Qurama Shtattary men Birikken Arab Ámirlikteriniń oń tájiribesi zerdelendi jáne nazarǵa alyndy.

«Baǵdarlamany iske asyrýǵa 2018 - 2022 jyldary respýblikalyq jáne jergilikti biýdjetterdiń, sondai-aq Qazaqstan Respýblikasynyń zańnamasymen tyiym salynbaǵan basqa da qarajattar jumsalatyn bolady. Baǵdarlamany iske asyrýǵa biýdjetten jumsalatyn jalpy shyǵyndar 286 981,6 mln teńgeni quraidy. Atap aitqanda, respýblikalyq biýdjetten 226 294,2 mln teńge, jergilikti biýdjetten 60 687,4 mln teńge qarastyrylǵan. Respýblikalyq jáne jergilikti biýdjetterden qarjylandyrý kólemi tiisti kezeńge biýdjet qalyptastyrylatyn kezde naqtylanatyn bolady», - dep jazylǵan qujatta.

Baǵdarlama aiasynda kelesidei maqsattar oryndalmaq:

qoǵamda radikaldyq kórinisterge múldem tózbeýshilikti jáne radikaldyq ideologiiaǵa degen immýnitetti qalyptastyrýǵa baǵyttalǵan dini ekstremizm men terrorizmniń aldyn alý sharalaryn jetildirý;

tirkelmegen dini toptarmen jáne qaýymdarmen, sonyń ishinde radikaldyq ideologiiaǵa degen immýnitetti qalyptastyrýǵa jáne dini arazdyqty nemese alaýyzdyqty órshitýge jol bermeýge baǵyttalǵan dini birlestikterdi tarta otyryp, aqparattyq-túsindirý jumystaryn uiymdastyrý;

halyqqa dini qatynastar salasynda konsýltativtik kómek kórsetýge baǵyttalǵan biryńǵai respýblikalyq «114 - qaýyrt jelisiniń», radikaldyq ideologiiadan zardap shekken adamdardy áleýmettik ońaltý jáne beiimdeý ortalyǵynyń jumys isteýin qamtamasyz etý, sondai-aq sottalǵan adamdarmen jáne olardyń jaqyn ortasymen jumys júrgizý úshin óńirlerde ókildikterin qurý;

qylmystyq-atqarý mekemelerinde teologiialyq ońaltý jumysyn uiymdastyrý jónindegi bólimsheniń qyzmetin jetildirý jáne qylmystyq-atqarý júiesiniń mekemelerinde jazasyn ótep jatqan sottalǵan adamdarmen, onyń ishinde radikaldyq ideologiiaǵa degen immýnitetti qalyptastyrýǵa baǵyttalǵan dini birlestikterdiń qatysýymen aqparattyq-túsindirý jumystaryn uiymdastyrý;

Internet jáne áleýmettik jeliler arqyly radikaldyq ideologiiaǵa degen immýnitetti, dini qatynastar salasyndaǵy radikaldyq kórinisterge múldem tózbeýshilikti qalyptastyrýǵa jáne radikalsyzdandyrýǵa baǵyttalǵan aqparattyq-túsindirý jumystaryn júrgizý, onyń ishinde mynadai joldarmen:

1) dini alaýyzdyqty nemese arazdyqty jandandyrýǵa, terrorizm men ekstremizm ideialaryn nasihattaý túrlerin, ádisteri men tásilderin áshkereleýge baǵyttalǵan terrorizm men ekstremizm ideialarynyń qaýiptiligin túsindirý;

2) memlekettik áleýmettik tapsyrys, sondai-aq dini birlestikter arqyly úkimettik emes uiymdardy tartý;

3) jańalyqtardy jariialaityn portaldarda, áleýmettik jelilerde, sonyń ishinde tanymal blogerler men qoǵamdyq pikir jetekshileri arqyly aqparattyq-túsindirý jáne qarsy nasihat materialdaryn taratý;

4) jastar úshin aqparattyq-túsindirý jáne qarsy nasihat materialdarynyń kórneki ádisterin (rolikter, beinematerialdar), oiyn elementteri men interaktivtik ádisterdi paidalaný;

5) áleýmettik jelilerde akkaýnttardyń súiemeldeýin uiymdastyrý jáne terrorizmge qarsy taqyryp boiynsha memlekettik organdardyń, ǵylymi-saraptamalyq qoǵamdastyq pen dini birlestikterdiń ókilderin sóz sóileýlerin ornalastyrý;