29 naýryz saǵat 14:40 jaǵdai boiynsha, koronavirýs indetin juqtyrǵan taǵy 14 adam tirkeldi, atap aitqanda Nur-Sultan qalasynda - 11 adam, Almaty qalasynda - 3 adam. Bul týraly "Ult aqparat" www.coronavirus2020.kz saityna silteme jasap habarlaidy.
29 naýryz Qazaqstanda 34 adamnan koronavirýs tabyldy.
Qazir elde naýqastar sany 265 adamǵa jetti. Barlyǵy 18 adam (Nur-Sultan - 13, Almaty - 5) aýrýdan jazylǵan. 26 naýryzda Aqmola oblysy Qosshy aýylynda 65 jastaǵy áiel adam koronavirýstan qaitys bolǵan.
Qazaqstanda koronavirýsqa bailanysty 15 sáýirge deiin tótenshe jaǵdai jariialanǵan. 28 naýryzdan bastap Almaty, Nur-Sultan, Shymkent qalalarynda saqtyq sharalary kúsheitildi. Bul qalalarda jurt tek tamaq, dári alýǵa jáne jumysqa shyǵa alady. Al 30 naýryzdan – 5 sáýir aralyǵynda Nur-Sultanda demalys jariialandy. Bul aralyqta qalada qoǵamdyq kólik júrmeidi. Tek dárigerler, politseiler, organ qyzmetkerleri men kommýnaldyq qyzmet ókilderi ǵana jumysqa shyǵady. Úkimet 30 naýryzdan bastap Aqtaý qalasyn karantinge jappaq. Qalada jurttyń júrip turýyna shekteý qoiylady.
30 naýryzdan bastap Qaraǵandy oblysyndaǵy Qaraǵandy, Abai, Saran, Shahtinsk, Abai qalalary karantinge jabylmaq.
Virýs juqtyrǵan 265 adam myna qalalarda:
- Nur-Sultanda - 162 adam
- Almatyda - 67 adam
- Qaraǵandyda - 7 adam
- Aqmola oblysynda - 6 adam
- Atyraý oblysynda - 6 adam
- Almaty oblysynda - 4 adam
- Jambyl oblysynda - 3 adam
- Shymkentte - 2 adam
- Shyǵys Qazaqstan oblysynda - 2 adam
- Aqtóbe oblysynda - 1 adam
- Soltústik Qazaqstan oblysynda - 1 adam
- Pavlodar oblysynda - 1 adam
- Mańǵystaý oblysynda - 1 adam
- Qyzylorda oblysynda - 2 adam.
