Qazaqstanda PTR testi oń shyǵyp, koronavirýs juqqan naýqastar 1264 adamǵa kóbeidi. Koronavirýs boiynsha Almaty (366) men Nur-Sultan (285) qalalary alda tur. Qalǵan oblystar men qalalarda anyqtalǵan naýqastar júzge jetpeidi.
Taǵy 50 adamǵa koronavirýs pnevmoniiasy diagnozy qoiylǵan. 10 adam ólimi tirkelgen. Bul – 16 naýryz kúngi málimet. Densaýlyq saqtaý ministrligi koronavirýs pnevmoniiasy men adam ólimine qatysty eki kún burynǵy málimetti jariialap keledi.
Resmi málimet boiynsha, elde koronavirýs juqtyrǵandar 229 217 adamǵa jetken. 209,6 myńy jazylǵan. 2 891 adam qaitys bolǵan.
2020 jyldyń 1 tamyzynan beri elde koronavirýs pnevmoniiasyna jeke kod berilip, oǵan shaldyqqandar bólek esepke alynyp keledi. Sodan beri 50 003 adamǵa koronavirýs pnevmoniiasy juqqan. 659 adam qaitys bolǵan.
19 naýryzdaǵy málimet boiynsha, koronovirýs infektsiiasynan 20 237 adam (16 696 KVI+ jáne 3 541 KVI-) emdelip jatyr. Olardyń ishinde 5 813 patsient - statsionarda, 14 424 naýqas ambýlatoriialyq deńgeide em qabyldaýda.
KVI+, KVI- shaldyqqandardyń arasynda:
- 250 adamnyń jaǵdaiy aýyr;
- 61 patsienttiń jaǵdaiy óte aýyr;
- 34 naýqas ókpeni jasandy jeldetý apparatyna qosylǵan.
Densaýlyq saqtaý ministrligi koronavirýstan emes, "basqa aýrýdan qaitys boldy" delingen myńǵa jýyq adamnyń ólimin koronavirýs statistikasyna engizbegen.
Amerikalyq Djons Hopkins ýniversitetiniń málimetinshe, álemde koronavirýs juqtyrǵandar 121 mln 746 myńnan asqan. Shamamen 68,6 mln adam jazylǵan, 2,69 mln adam qaitys bolǵan.
Óńirler boiynsha tolyq derek:
Almaty qalasynda - 28991 (+366), Nur-Sultan qalasynda – 27528 (+285), Shyǵys Qazaqstan oblysynda - 22551 (+28), Pavlodar oblysynda - 18688 (+47), Atyraý oblysynda - 17881 (+36), Qaraǵandy oblysynda - 16586 (+98), Aqmola oblysynda – 14743 (+50), Batys Qazaqstan oblysynda – 14078 (+81), Qostanai oblysynda - 13300 (+44), Soltústik Qazaqstan oblysynda - 12840 (+35), Almaty oblysynda - 12078 (+91), Shymkent qalasynda -6476 (+36), Jambyl oblysynda – 6210 (+18), Aqtóbe oblysynda - 4614 (+26), Túrkistan oblysynda – 4398 (+13), Mańǵystaý oblysynda - 4325 (+6), Qyzylorda oblysynda - 3930 (+4).
