QR BǴM Ulttyq ǵylymi-praktikalyq dene tárbiesi ortalyǵynyń direktory Tastanbek Esentaev mektep oqýshylaryn jappai sportqa tartý jaiynda aitty, dep habarlaidy QazAqparat.
«Buqaralyq sportty damytý turǵysynda Memleket basshysynyń tapsyrmasyn oryndaý aiasynda jol kartasy ázirlendi. Jol kartasynyń negizgi maqsaty – buqaralyq sportpen, mektep oqýshylarynyń sportpen ainalysýyna múmkindik jasaý», - dedi T. Esentaev Ortalyq komýmnikatsiialar qyzmetinde.
Qazirgi kezde Qazaqstanda 1252 mektepten tys mekeme, mektep janynda 63 myń úiirme, 39440 sport sektsiiasy, 3 myńǵa jýyq mádeni-demalys uiymy bar. Qazaqstan Respýblikasynda bilim berýdi jáne ǵylymdy damytýdyń 2020-2025 jyldarǵa arnalǵan memlekettik baǵdarlamasy aiasynda mektep oqýshylarynyń keminde 42 paiyzyn sport sektsiialarymen qamtý kózdelgen.
Onyń sózine qaraǵanda, júieli túrde sportpen ainalysatyn balalardyń sany 1 mln 260 myńnan (oqýshylardyń 36 paiyzy) asty. Qazir mektepterde buqaralyq damytýǵa jańa jobalar ázirleý maqsaty qoiylǵan.
Dene tárbiesi muǵalimderin sabaqtan tys sabaqtar ótkizýge yntalandyrý maqsatynda «Qazaqstan Respýblikasynyń keibir zańnamalyq aktilerine dene shynyqtyrý jáne sportty damytý máseleleri boiynsha ózgerister men tolyqtyrýlar engizý týraly» zań jobasy aiasynda dene tárbiesi pedagogterine sabaqtan tys sektsiia ótkizgeni úshin bazalyq laýazymdyq jalaqydan 100% mólsherinde qosymsha aqy engiziledi.
Aita keteiik, Joldaýda Memleket basshysy buqaralyq sportqa bailanysty birqatar atqarylatyn jumys legin pysyqtap, qazirgi jaǵdaida kəsibi sport klýbtaryn memleket tarapynan qarjylandyrýdyń qajeti joǵyn ashyp kórsetti.
