Foto: ashyq derekkóz
Májilis otyrysynda Týrizm jáne sport ministri Erbol Myrzabosynov Qazaqstanda tirkelgen 180 sport túriniń ishinen tek 60-y ǵana basymdyqpen qarjylandyrylatynyn málimdedi, dep habarlaidy Ult.kz.
Depýtat Erlan Sairov elimizde 180 sport túriniń tirkelgenin jáne olardyń kópshiliginiń qazaqstandyqtarǵa tanys emes ekenin aitty.
"Qazaqstanda 180 sport túri tirkelgen, biraq olardyń arasynda halyqqa belgisiz sport túrleri bar, mysaly, biatlon, triatlon, petank, ýnifait. Olardy qarjylandyrýdyń qandai mańyzy bar? Ulybritaniiada 15, Germaniiada 17 sport túri ǵana biýdjetten qarjylandyrylady. Al Qazaqstanda bul kórsetkish 180-ge jetedi. Muny qalai túsindirýge bolady?" – dedi depýtat.
Ministr Erbol Myrzabosynov sport salasyndaǵy bul máseleni rastady. Ol zań jobasy aiasynda 60 sport túrin basymdyqqa qoiý josparlanǵanyn, onyń ishinde ulttyq sport túrleri, sondai-aq Olimpiada, Paralimpiada, Sýrdlimpiada, Aziia jáne Paraaziialyq oiyndarǵa kiretin 45 sport túri bar ekenin atap ótti.
Sondai-aq ministr aldaǵy ýaqytta basym sport túrleri medal sanyna qarai qarjylandyrylatynyn jáne Parij Olimpiadasynan keiin sportty qarjylandyrýǵa erekshe nazar aýdarylǵanyn aitty.
Aita keteiik, Týrizm jáne sport ministrligi sporttyń basym túrlerine arnalǵan kriteriilerdi ázirleidi.
