4 qarashadaǵy jaǵdai boiynsha COVID-19 belgileri bar pnevmoniiamen syrqattanǵan 269 adam anyqtaldy, dep habarlaidy "Ult aqparat".
Bir táýlik ishinde 63 naýqas syrqatynan jazylyp shyǵyp, 1 jaǵdai ólimmen aiaqtaldy.
2020 jyldyń 1 tamyzynan bastap elde tirkelgen naýqastar sany – 38 281, ólim jaǵdaiy - 405, barlyǵy 28 899 adam saýyǵyp shyqty.
Qazaqstan biligi PTR testimen rastalmaǵan, biraq aýrý belgileri boiynsha koronavirýsqa uqsaityn pnevmoniia esebin 1 tamyzdan beri júrgizip keledi. Úkimet dereginshe, tamyzdyń basynan 3 qarashaǵa deiin 38 281 adamǵa koronavirýs pnevmoniiasy diagnozy qoiylǵan: 28 899 adam jazylǵan, 405-i qaitys bolǵan.
Densaýlyq saqtaý ministrliginiń málimetinshe, qazir koronavirýs pnevmoniiasynan 4 981 adam emdelip jatyr. Olardyń arasynda 340 bala bar. Onyń 2 510-y statsionarda em qabyldaýda. 148 naýqastyń ahýaly nashar, 18 adamnyń jaǵdaiy - óte aýyr, 20 adam jasandy tynys alý apparatymen dem alyp jatyr.
