4 قاراشاداعى جاعداي بويىنشا COVID-19 بەلگٸلەرٸ بار پنەۆمونييامەن سىرقاتتانعان 269 ادام انىقتالدى, دەپ حابارلايدى "ۇلت اقپارات".
بٸر تەۋلٸك ٸشٸندە 63 ناۋقاس سىرقاتىنان جازىلىپ شىعىپ, 1 جاعداي ٶلٸممەن اياقتالدى.
2020 جىلدىڭ 1 تامىزىنان باستاپ ەلدە تٸركەلگەن ناۋقاستار سانى – 38 281, ٶلٸم جاعدايى - 405, بارلىعى 28 899 ادام ساۋىعىپ شىقتى.
قازاقستان بيلٸگٸ پتر تەستٸمەن راستالماعان, بٸراق اۋرۋ بەلگٸلەرٸ بويىنشا كوروناۆيرۋسقا ۇقسايتىن پنەۆمونييا ەسەبٸن 1 تامىزدان بەرٸ جٷرگٸزٸپ كەلەدٸ. ٷكٸمەت دەرەگٸنشە, تامىزدىڭ باسىنان 3 قاراشاعا دەيٸن 38 281 ادامعا كوروناۆيرۋس پنەۆمونيياسى دياگنوزى قويىلعان: 28 899 ادام جازىلعان, 405-ٸ قايتىس بولعان.
دەنساۋلىق ساقتاۋ مينيسترلٸگٸنٸڭ مەلٸمەتٸنشە, قازٸر كوروناۆيرۋس پنەۆمونيياسىنان 4 981 ادام ەمدەلٸپ جاتىر. ولاردىڭ اراسىندا 340 بالا بار. ونىڭ 2 510-ى ستاتسيوناردا ەم قابىلداۋدا. 148 ناۋقاستىڭ احۋالى ناشار, 18 ادامنىڭ جاعدايى - ٶتە اۋىر, 20 ادام جاساندى تىنىس الۋ اپپاراتىمەن دەم الىپ جاتىر.
