Qazaqstannyń úsh óńirindegi ózenderdiń sý deńgeii kóterilýi yqtimal. Sol úshin elimizdiń úsh óńiriniń turǵyndaryna eskertý jasaldy, - dep habarlaidy QR IIM Tótenshe jaǵdailar komiteti.
«Qazgidromet» RMK málimetterine sáikes, 22 qańtardan bastap 23-25 qańtar aralyǵynda Shyǵys Qazaqstan men Almaty oblystaryndaǵy ózenderde, sonymen qatar Qyzylorda oblysy sheginde Syrdariia ózeninde aýa raiynyń qolaily bolatyndyǵy týraly boljamǵa bailanysty muz qursaýynyń buzylyp, ózenderde muz keptelisteriniń bolýy jáne sý deńgeiiniń kóterilýi yqtimal», - dep atap ótedi vedomstvodan.
Osyǵan qarai QR IIM Tótenshe jaǵdailar komiteti óńir azamattarynan atalǵan kúnderi barynsha qyraǵylyq tanytýdy, tótenshe jaǵdai bolǵan sátte 112 qutqarý qyzmetiniń biryńǵai nómirine qońyraý shalýdy suraidy.
«Azamattyq qorǵanys bólimsheleri tolyq daiyndyqqa keltirildi. Ózenderdi gidrologiialyq ahýalǵa monitoring kúsheitildi», - delingen komitet aqparatynda.
