Osy jyldyń qańtar aiynda QR-da 6,7 mln tonna shiki munai óndirildi. Bul kórsetkish bir jyl burynǵyǵa qaraǵanda birden 14,2%-ǵa artyq, dep habarlaidy QazAqparat EnergyProm-ǵa silteme jasap.
Óńirlik bóliniste munai óndirýdiń eń úlken kólemi dástúrli túrde Atyraý oblysyna tiesili: 4,6 mln tonna, pliýs 23,4%. Kóshbasshylar úshtigine sondai-aq Mańǵystaý (1,4 mln tonna, jylyna 0,5%) jáne Aqtóbe (395,5 myń tonna) oblystary kirdi.
Óńirlerde «Nort Kaspian Opereiting Kompani N. V.» filialy, «Teńizshevroil» JShS, «Embimunaigaz» AQ (Atyraý oblysy), «Qarajanbasmunai» AQ, «Mańǵystaýmunaigaz» AQ, «Qaraqudyqmunai» JShS (Mańǵystaý oblysy) jáne basqa da kompaniialar jumys isteidi.
Jalpy, 2021 jyldyń qańtar–jeltoqsan ailarynda kásiporyndar 73,7 mln tonna shiki munai óndirdi — bul ótken jyldyń sáikes kezeńimen salystyrǵanda 1%-ǵa kóp.
2021 jyldyń qańtar-jeltoqsan ailarynda Qazaqstan 31,1 mlrd AQSh dollaryn quraityn 65,7 mln tonna shiki munaidy eksportqa jiberdi.
TMD elderine 54,6 mln AQSh dollar somasyna 131,6 myń tonna shiki munai jiberildi. Bul kólemdi Resei men Ózbekstan bólip alǵan.
Qazaqstan TMD-ǵa kirmeitin elderge 31 mlrd AQSh dollar somasynda 65,6 mln tonna shiki munai eksporttaǵan. Onyń basym bóligi ádettegidei Italiiaǵa jiberilgen: (17,9 mln tonna). Odan keiin Niderlandy, Frantsiia, Qytai men Túrkiia tur.
Investfunds málimetinshe, munai barreli 2022 jyldyń 4 naýryzynda 118,1 AQSh dollaryn quraǵan. Bir kúnde barrel quny 6,9%-ǵa, bir aida 32%-ǵa, úsh aida 69%-ǵa, bir jylda 77%-ǵa ósti.
