وسى جىلدىڭ قاڭتار ايىندا قر-دا 6,7 ملن توننا شيكٸ مۇناي ٶندٸرٸلدٸ. بۇل كٶرسەتكٸش بٸر جىل بۇرىنعىعا قاراعاندا بٸردەن 14,2%-عا ارتىق, دەپ حابارلايدى قازاقپارات EnergyProm-عا سٸلتەمە جاساپ.
ٶڭٸرلٸك بٶلٸنٸستە مۇناي ٶندٸرۋدٸڭ ەڭ ٷلكەن كٶلەمٸ دەستٷرلٸ تٷردە اتىراۋ وبلىسىنا تيەسٸلٸ: 4,6 ملن توننا, پليۋس 23,4%. كٶشباسشىلار ٷشتٸگٸنە سونداي-اق ماڭعىستاۋ (1,4 ملن توننا, جىلىنا 0,5%) جەنە اقتٶبە (395,5 مىڭ توننا) وبلىستارى كٸردٸ.
ٶڭٸرلەردە «نورت كاسپيان وپەرەيتينگ كومپاني ن. ۆ.» فيليالى, «تەڭٸزشەۆرويل» جشس, «ەمبٸمۇنايگاز» اق (اتىراۋ وبلىسى), «قاراجانباسمۇناي» اق, «ماڭعىستاۋمۇنايگاز» اق, «قاراقۇدىقمۇناي» جشس (ماڭعىستاۋ وبلىسى) جەنە باسقا دا كومپانييالار جۇمىس ٸستەيدٸ.
جالپى, 2021 جىلدىڭ قاڭتار–جەلتوقسان ايلارىندا كەسٸپورىندار 73,7 ملن توننا شيكٸ مۇناي ٶندٸردٸ — بۇل ٶتكەن جىلدىڭ سەيكەس كەزەڭٸمەن سالىستىرعاندا 1%-عا كٶپ.
2021 جىلدىڭ قاڭتار-جەلتوقسان ايلارىندا قازاقستان 31,1 ملرد اقش دوللارىن قۇرايتىن 65,7 ملن توننا شيكٸ مۇنايدى ەكسپورتقا جٸبەردٸ.
تمد ەلدەرٸنە 54,6 ملن اقش دوللار سوماسىنا 131,6 مىڭ توننا شيكٸ مۇناي جٸبەرٸلدٸ. بۇل كٶلەمدٸ رەسەي مەن ٶزبەكستان بٶلٸپ العان.
قازاقستان تمد-عا كٸرمەيتٸن ەلدەرگە 31 ملرد اقش دوللار سوماسىندا 65,6 ملن توننا شيكٸ مۇناي ەكسپورتتاعان. ونىڭ باسىم بٶلٸگٸ ەدەتتەگٸدەي يتاليياعا جٸبەرٸلگەن: (17,9 ملن توننا). ودان كەيٸن نيدەرلاندى, فرانتسييا, قىتاي مەن تٷركييا تۇر.
Investfunds مەلٸمەتٸنشە, مۇناي باررەلٸ 2022 جىلدىڭ 4 ناۋرىزىندا 118,1 اقش دوللارىن قۇراعان. بٸر كٷندە باررەل قۇنى 6,9%-عا, بٸر ايدا 32%-عا, ٷش ايدا 69%-عا, بٸر جىلدا 77%-عا ٶستٸ.
