Elimizge qaiyrymdylyq, volonter jáne metsenattyń ulttyq reitingin ázirleý qajet. Bul týraly «Qoǵam jáne memleket: «Birgemiz» - 30 jyldyq seriktestik pen damý» atty IX Azamattyq forýmnyń jalpy otyrysynda QR Memlekettik hatshysy Qyrymbek Kósherbaev aitty, dep habarlaidy QazAqparat.
Qazaqstandaǵy volonter qozǵalystaryn yntalandyryp otyrý qajet. «Volonter tájiribesi jumysqa qabyldaný kezinde eskerilip, kásibi eńbek ótiline, stýdenttik tájiribege eseptelýi óte mańyzdy. Volonterlik bilik pen qoǵamnyń barlyq deńgeiinde yntalandyrylatyn tabiǵi qaiyrymdy umtylysqa ainalysý tiis. Biz qazaqstandyqtardyń óte elgezek ári áleýmettik jaýapty azamattar ekenin bilemiz. Azamattarymyz sý tasqynynan, ózge de aýyrtpalyqtar men tehnogendik apattardan zardap shekkenderge kómek kórsetý ótinishterge bir adamdai den qoiyp, qol ushyn bergenderin kórdik. Qaiyrymdylyq sharalarynyń sany jyldan jylǵa artyp kele jatqanyn baiqap otyrmyz. Onyń ishinde aýyldyq jerler de bar. Elimizde dańǵoilyqsyz ári piarsyz memleket pen qoǵamǵa iri jobalardy júzege asyrýǵa kómektesetin biznesmen-metsanattardyń jańa sanatynyń paida bolǵanyn kóremiz. Myńdaǵan otandasymyzǵa kómektesip, olarǵa qiyndyqty eńserýge kómektesip júr», - edi Qyrymbek Kósherbaev.
Onyń atap ótýinshe, Qazaqstan álemdik reitingilerde qaiyrymdylyq boiynsha aýtsaiderlerdiń qatarynda tur. Sondyqtan qaiyrymdylyq, volonterlik jáne metsenattyqtyń ulttyq reitingi qajet. Bul rette Qazaqstannyń Azamattyq aliansy «Atameken» UKP-men birge qaiyrymdylyq pen metsenattyq salasynda jyl saiyn ulttyq baiandama jariialaýǵa bastamashylyq jasaý kerek.
«Bizge metsenattyq jáne qaiyrymdylyq týraly zań qabyldaý qajet te shyǵar. Onda bizneske salyqtan jáne ózge de jeńildikter qarastyrylýy múmkin», - dedi Memlekettik hatshy.
