2021 jylǵy 1 shildeden bastap kúshine enetin Ákimshilik rásimdik-protsestik kodekstiń aiasynda elimizde 21 ákimshilik sot qurylady. Bul týraly QR Joǵarǵy Sotynyń baspasóz hatshysy Aidos Sadýaqasov málim etti, dep habarlaidy QazAqparat.
«Biylǵy 1 shildege deiin elimizde 21 ákimshilik sot (mamandandyrylǵan aýdanaralyq ákimshilik sottar) qurylady. Ol sottardyń 17-si elimizdiń iri qalalarynda, iaǵni oblys ortalyqtarynda qurylsa, qalǵan tórteýi turǵyndar kóp shoǵyrlanǵan Qaskeleń, Semei, Jazqazǵan jáne Ekibastuz siiaqty iri qalalarda ornalasatyn bolady», - dedi A. Sadýaqasov Ortalyq kommýnikatsiialar qyzmetinde.
Onyń aitýynsha, ákimshilik ádilet júiesine daiyndyq júrgizilip jatyr. Qazirgi kezde sýdialardy oqytý is-sharalary uiymdastyrylǵan.
«Osy oqytý júiesimen 500-ge tarta sýdia qamtyldy. Sonymen qatar zańnyń normalaryn túsindirip jatyrmyz. Endi azamattardyń memlekettik organmen nemese laýazymdy tulǵamen daý týyndaǵan kezde osyndai ákimshilik sottarǵa júginetin bolady. Jalpy, elimizde qazirgi kezde qylmystyq, azamattyq, ákimshilik quqyq buzýshylyq týraly ister qaralatyn bolsa, bul tórtinshi jańa sot isin júrgizetin institýt. Bul institýtqa sáikes, ákimshilik is júrgizý degen uǵym engiziledi», - dedi Aidos Sadýaqasov.
