2020 jyly elimizde 1 830 áielden jatyr moiny qaterli isigi anyqtaldy. Jyl saiyn 660 áiel osy dertten kóz jumady. Bul týraly QR Densaýlyq saqtaý ministrliginiń bas onkolog dárigeri, Qazaq ulttyq onkologiia jáne radiologiia institýtynyń direktory Diliara Qaidarova Instagram paraqshasynda ótken tikelei efirde aitty, dep habarlaidy QazAqparat.
«Qaterli isik – úkim emes, biraq qazirgi ýaqytta saq júrýimiz kerek. Elimizde bul dertti emdeýdiń barlyq ádis-tásili bar. Qyzdar ózderin jatyr moinyn alyp tastaityn jaǵdaiǵa jetkizbese eken. Shymkentte, Túrkistan oblysynda bolǵan kezde keibir áiel ginkologqa 7 jyl, 9 jyl baryp kórmegenin aitty. Qaterli isik bes jyl ishinde asqynady, sondyqtan ózderińizge kóńil bólińizder. 23 qańtarda elimizdiń ártúrli óńirinde tegin túrde ashyq esik kúni ótedi. Soǵan ýaqyt taýyp baryńyzdar. Nur-Sultan men Qaraǵandy «qyzyl aimaqqa» kirgendikten, ol jaqta ashyq esik kúni bolmaidy, biraq kez kelgen ýaqytta emhanaǵa baryp tegin túrde qarala alasyzdar», - deidi bas onkolog dáriger Diliara Qaidarova.
Sondai-aq, bul dert jastarǵa da qaýip tóndiretinin aitty.
«Jatyr moiny qaterli isigimen aýyratyn 28 jastaǵy qyzdar da bar. Bul derttiń sharyqtaý shegi 40-44 jas aralyǵy. 2020 jyly elimizde 1 830 áielden jatyr moiny qaterli isigi anyqtaldy. Jyl saiyn 660 áiel osy jertten kóz jumady, iaǵni kúnine eki áiel jatyr moiny qaterli isigi saldarynan kóz jumady degen sóz. Bul statistika kóńil qýantpaityny anyq, sol sebepti onkoginekologqa ýaqytyly tekserilip turyńyzdar», - deidi ol.
