2020 جىلى ەلٸمٸزدە 1 830 ەيەلدەن جاتىر موينى قاتەرلٸ ٸسٸگٸ انىقتالدى. جىل سايىن 660 ەيەل وسى دەرتتەن كٶز جۇمادى. بۇل تۋرالى قر دەنساۋلىق ساقتاۋ مينيسترلٸگٸنٸڭ باس ونكولوگ دەرٸگەرٸ, قازاق ۇلتتىق ونكولوگييا جەنە راديولوگييا ينستيتۋتىنىڭ ديرەكتورى ديليارا قايداروۆا Instagram پاراقشاسىندا ٶتكەن تٸكەلەي ەفيردە ايتتى, دەپ حابارلايدى قازاقپارات.
«قاتەرلٸ ٸسٸك – ٷكٸم ەمەس, بٸراق قازٸرگٸ ۋاقىتتا ساق جٷرۋٸمٸز كەرەك. ەلٸمٸزدە بۇل دەرتتٸ ەمدەۋدٸڭ بارلىق ەدٸس-تەسٸلٸ بار. قىزدار ٶزدەرٸن جاتىر موينىن الىپ تاستايتىن جاعدايعا جەتكٸزبەسە ەكەن. شىمكەنتتە, تٷركٸستان وبلىسىندا بولعان كەزدە كەيبٸر ەيەل گينكولوگقا 7 جىل, 9 جىل بارىپ كٶرمەگەنٸن ايتتى. قاتەرلٸ ٸسٸك بەس جىل ٸشٸندە اسقىنادى, سوندىقتان ٶزدەرٸڭٸزگە كٶڭٸل بٶلٸڭٸزدەر. 23 قاڭتاردا ەلٸمٸزدٸڭ ەرتٷرلٸ ٶڭٸرٸندە تەگٸن تٷردە اشىق ەسٸك كٷنٸ ٶتەدٸ. سوعان ۋاقىت تاۋىپ بارىڭىزدار. نۇر-سۇلتان مەن قاراعاندى «قىزىل ايماققا» كٸرگەندٸكتەن, ول جاقتا اشىق ەسٸك كٷنٸ بولمايدى, بٸراق كەز كەلگەن ۋاقىتتا ەمحاناعا بارىپ تەگٸن تٷردە قارالا الاسىزدار», - دەيدٸ باس ونكولوگ دەرٸگەر ديليارا قايداروۆا.
سونداي-اق, بۇل دەرت جاستارعا دا قاۋٸپ تٶندٸرەتٸنٸن ايتتى.
«جاتىر موينى قاتەرلٸ ٸسٸگٸمەن اۋىراتىن 28 جاستاعى قىزدار دا بار. بۇل دەرتتٸڭ شارىقتاۋ شەگٸ 40-44 جاس ارالىعى. 2020 جىلى ەلٸمٸزدە 1 830 ەيەلدەن جاتىر موينى قاتەرلٸ ٸسٸگٸ انىقتالدى. جىل سايىن 660 ەيەل وسى جەرتتەن كٶز جۇمادى, ياعني كٷنٸنە ەكٸ ەيەل جاتىر موينى قاتەرلٸ ٸسٸگٸ سالدارىنان كٶز جۇمادى دەگەن سٶز. بۇل ستاتيستيكا كٶڭٸل قۋانتپايتىنى انىق, سول سەبەپتٸ ونكوگينەكولوگقا ۋاقىتىلى تەكسەرٸلٸپ تۇرىڭىزدار», - دەيدٸ ول.
