Elimizde qos azamattyǵy bar 2 memlekettik qyzmetshi laýazymynan bosatyldy. Bul jaiynda Senat depýtatynyń saýalyna QR Memlekettik qyzmet isteri agenttigiginiń tóraiymy Anar Jaiylǵanovanyń jaýabynda aitylǵan, dep habarlaidy QazAqparat tilshisi.
«Qazaqstan Respýblikasynyń keibir zańnamalyq aktilerine Qazaqstan Respýblikasy Memleket basshysynyń 2020 jylǵy 1 qyrkúiektegi «Jańa jaǵdaidaǵy Qazaqstan: is-qimyl kezeńi» atty Qazaqstan halqyna Joldaýynyń jekelegen erejelerin iske asyrý máselesi boiynsha ózgerister men tolyqtyrýlar engizý týraly» Zań qabyldanyp, Eńbek kodeksine jáne «Qazaqstan Respýblikasynyń memlekettik qyzmeti týraly» zańǵa tiisti túzetýler engizildi. Atap aitqanda, Respýblika azamattyǵyn joiǵan ne odan aiyrylǵan, sondai-aq shet memlekettiń azamattyǵy bar memlekettik qyzmetkershi (kvazimemlekettik sektor basshylary) qyzmetten shyǵarylýǵa jatady», - dedi ol.
Agenttik tóraiymynyń atap ótýinshe, osy talaptardy oryndaý tetigin ázirleý aiasynda Ishki ister ministrligi memlekettik organdar usynǵan memlekettik qyzmetkerlerdiń tizimi boiynsha olarda «qos azamattyǵynyń» bar-joǵyn tekseredi.
«Qazirgi ýaqytta qos azamattyqty anyqtaý faktisi boiynsha memlekettik qyzmetshiler (Shymkent qalasynyń Sport jáne dene shynyqtyrý basqarmasynyń basshysy O.Pochivalov pen Saýda jáne integratsiia ministrligi Tehnikalyq retteý jáne metrologiia komitetiniń Aqmola oblysy boiynsha departamentiniń bas mamany I.Tochidlovskaia) atqaryp otyrǵan laýazymynan bosatyldy. Osylaisha, memlekettik ákimshilik qyzmetkerlerge qatysty barlyq zańnamalyq sharalar qabyldandy dep sanaimyz», - dedi Anar Jaiylǵanova.
