Qazaqstanda kólikti qaita tirkeý jumysy edáýir jeńildedi. Bul týraly Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin jelidegi paraqshasynda jazdy, dep habarlaidy "Ult aqparat".
«Men ministr laýazymyna kiriskennen keiin men birden arnaiy HQO-lardyń jumysymen tanysqanmyn. Sol kezdiń ózinde adamdardyń kóptiginen týyndaityn qarbalasty qalai eńserýge bolatynyn oilana bastadym. Biz komandamyzben birge bul máseleni sheshýdiń birden-bir joly – qyzmetti onlain formatqa aýystyrý ekenin birden uqtyq. Egov portalynda bul qyzmetti elektrondy formatqa qalai iske asyrýǵa bolatynyn ózim de kórip, qasymda keńesshi otyrsa da eki saǵat ýaqytym ketip edi», - dedi ministr.
Baǵdat Mýsin sol sebepti Ishki ister ministrine bul protsesti tolyq qaita qaraýdy usynǵanyn, ony bankterge engizý kerektigin aitqanyn jazdy.
«Biz búgin resmi túrde avtokólikti qaita tirkeý qyzmetin Ishki ister ministrimen birge Kaspi.kz mobildi qosymshasy arqyly iske qosamyz. Endigári avtokólikti qaita tirkeý úshin arnaiy HQO-ǵa barýdyń qajeti joq. Kaspi.kz nemese basqa da bankterdiń memlekettik qyzmetter aidaryna kirip, avtony qaita tirkei berińiz. Halyq bank dál qazirgi ýaqytta osyǵan uqsas qyzmetti. atap aitqanda nesiege satylǵan avtokólikti qaita tirkeý qyzmeti boiynsha jumys júrgizýde», - dedi ol.
