Qazaqstandyq avtotasymaldaýshylar biylǵy 9 aida halyqaralyq baǵyttarda 10,8 mln tonna júk tasymaldady. Bul ótken jyldyń sáikes kezeńimen salystyrǵanda 6 paiyzǵa kóp, dep habarlaidy "Ult aqparat".
QR Indýstriia jáne infraqurylymdyq damý ministrliginiń Telegram paraqshasynda jariialanǵan aqparatqa qaraǵanda, esepti kezeńde júk eksporty – 4 mln tonnany, import – 6,8 mln tonnany qurap, 905 myń tonna tranzittik júk tasymaldandy. 2020 jylǵy qańtar-qyrkúiek ailarynda respýblika ishinde avtokólikpen 7,3 mlrd jolaýshy jáne 2,3 mlrd tonna júk jetkizildi.
El aýmaǵynda koronavirýstyq infektsiianyń taralýyna jáne pandemiianyń damýyna jol bermeý maqsatynda Úkimet qabyldaǵan karantindik sharalardan ishki jolaýshylar ainalymy eki esege azaiyp, avtomobilmen ishki júk tasymaly kólemi 8 paiyzǵa tómendedi.
QR Úkimetiniń tapsyrmasy boiynsha tótenshe jaǵdai jáne karantin ýaqytynda QR Indýstriia jáne infraqurylymdyq damý ministrligi mynadai sharalar qabyldady:
QHR, Resei, Qyrǵyzstan, Ózbekstan, Tájikstan jáne Mońǵoliiamen 117 turaqty avtobýs baǵyty toqtatyldy;
halyqaralyq jáne tranzittik jolaýshylar tasymalyna tyiym salynady;
óńirlerge/óńirlerden jolaýshylardy oblysaralyq jáne qalaaralyq tasymaldaý toqtatyldy;
óńirlerde avtovokzaldar men avtostantsiialardyń jumysy toqtatyldy;
oblystardyń, Nur-sultan, Almaty jáne Shymkent qalalarynyń ákimdikterine TJ rejimi kezeńinde óńirlerde avtomobil kóligimen jolaýshylardy tasymaldaýdy shekteý jóninde usynymdar jiberildi.
Sonymen qatar Resei jáne Ózbekstanmen memlekettik shekara arqyly ótetin 12 jeke avtomobil ótkizý pýnkti ýaqytsha jabyldy.
Shet memleketterdiń quzyretti kólik organdaryna halyqaralyq qatynasta júkterdi tasymaldaý kezinde sanitariialyq is-sharalardy saqtaý qajettiligi týraly usynymdar jiberildi.
