قازاقستاندىق اۆتوتاسىمالداۋشىلار بيىلعى 9 ايدا حالىقارالىق باعىتتاردا 10,8 ملن توننا جٷك تاسىمالدادى. بۇل ٶتكەن جىلدىڭ سەيكەس كەزەڭٸمەن سالىستىرعاندا 6 پايىزعا كٶپ, دەپ حابارلايدى "ۇلت اقپارات".
قر يندۋسترييا جەنە ينفراقۇرىلىمدىق دامۋ مينيسترلٸگٸنٸڭ Telegram پاراقشاسىندا جارييالانعان اقپاراتقا قاراعاندا, ەسەپتٸ كەزەڭدە جٷك ەكسپورتى – 4 ملن توننانى, يمپورت – 6,8 ملن توننانى قۇراپ, 905 مىڭ توننا ترانزيتتٸك جٷك تاسىمالداندى. 2020 جىلعى قاڭتار-قىركٷيەك ايلارىندا رەسپۋبليكا ٸشٸندە اۆتوكٶلٸكپەن 7,3 ملرد جولاۋشى جەنە 2,3 ملرد توننا جٷك جەتكٸزٸلدٸ.
ەل اۋماعىندا كوروناۆيرۋستىق ينفەكتسييانىڭ تارالۋىنا جەنە پاندەمييانىڭ دامۋىنا جول بەرمەۋ ماقساتىندا ٷكٸمەت قابىلداعان كارانتيندٸك شارالاردان ٸشكٸ جولاۋشىلار اينالىمى ەكٸ ەسەگە ازايىپ, اۆتوموبيلمەن ٸشكٸ جٷك تاسىمالى كٶلەمٸ 8 پايىزعا تٶمەندەدٸ.
قر ٷكٸمەتٸنٸڭ تاپسىرماسى بويىنشا تٶتەنشە جاعداي جەنە كارانتين ۋاقىتىندا قر يندۋسترييا جەنە ينفراقۇرىلىمدىق دامۋ مينيسترلٸگٸ مىناداي شارالار قابىلدادى:
قحر, رەسەي, قىرعىزستان, ٶزبەكستان, تەجٸكستان جەنە موڭعولييامەن 117 تۇراقتى اۆتوبۋس باعىتى توقتاتىلدى;
حالىقارالىق جەنە ترانزيتتٸك جولاۋشىلار تاسىمالىنا تىيىم سالىنادى;
ٶڭٸرلەرگە/ٶڭٸرلەردەن جولاۋشىلاردى وبلىسارالىق جەنە قالاارالىق تاسىمالداۋ توقتاتىلدى;
ٶڭٸرلەردە اۆتوۆوكزالدار مەن اۆتوستانتسييالاردىڭ جۇمىسى توقتاتىلدى;
وبلىستاردىڭ, نۇر-سۇلتان, الماتى جەنە شىمكەنت قالالارىنىڭ ەكٸمدٸكتەرٸنە تج رەجيمٸ كەزەڭٸندە ٶڭٸرلەردە اۆتوموبيل كٶلٸگٸمەن جولاۋشىلاردى تاسىمالداۋدى شەكتەۋ جٶنٸندە ۇسىنىمدار جٸبەرٸلدٸ.
سونىمەن قاتار رەسەي جەنە ٶزبەكستانمەن مەملەكەتتٸك شەكارا ارقىلى ٶتەتٸن 12 جەكە اۆتوموبيل ٶتكٸزۋ پۋنكتٸ ۋاقىتشا جابىلدى.
شەت مەملەكەتتەردٸڭ قۇزىرەتتٸ كٶلٸك ورگاندارىنا حالىقارالىق قاتىناستا جٷكتەردٸ تاسىمالداۋ كەزٸندە سانيتارييالىق ٸس-شارالاردى ساقتاۋ قاجەتتٸلٸگٸ تۋرالى ۇسىنىمدار جٸبەرٸلدٸ.
