Parlament májilisine sý kodeksiniń jańa jobasy jetti. Sý resýrstary jáne irrigatsiia ministrliginiń málimetinshe, qujatta sýdy únemdeýge úlken mán berilgen. Kásiporyndardan sýdy utymdy paidalanyp, únemdeitin tehnologiialardy ornatý jáne qaita paidalaný júieleri talap etiledi, dep habarlaidy "Ult aqparat" 31-arnanyń Informbiýro jańalyqtar baǵdarlamasyna silteme jasai otyryp.
Sý kodeksi avtokólik jýý oryndary, qoǵamdyq monshalar jáne óndiris oryndarynan sýdy únemdep, qaita óńdeýdi talap etedi. Biznes ókilderi buǵan teris baǵa berýde. Aitýlarynsha, tarif ósip, qoljetimsiz bolady, al sýdy qaita paidalaný qyzmet kórsetý sapasyna áser etedi.
“Munyń barlyǵy jertólege, sýdy qaita óńdeýge ornatylǵan. Ol aldymen kárizge túsedi, sodan keiin ol súzilip, qaitadan keledi. Kóbinese klientter salonnan batpaqtyń iisi shyǵady dep shaǵymdanady. Biz olarǵa munyń sý ekenin aitsaq, senbeidi. Olar shúberekter sasyp ketken dep oilaidy. Jumysshylardyń kóbinese qoldarynda jáne denelerinde allergiia paida bolady. Men munymen qalai kúresetinimdi bilmeimin. Qanshama qarajat bólindi!”, – dedi kólik jýý mekemesiniń ákimshisi Aqmaral Mádilmuhamedova.
Sý resýrstaryn tiimdi paidalaný – ýaqyt talaby, deidi mamandar. Eger ysyrapshyl áreketter qoldanylsa, osy onjyldyqtyń sońyna qarai sý tapshylyǵy ýshyǵa túsedi.
“Qazir iri sý tutynýshylardyń qatarynda kólik jýý, kommýnaldyq qyzmetter, kafe men barlar, saýnalar, meiramhanalar, qonaqúiler bar. Olardyń barlyǵy únemdeýge, tazartýǵa jáne qaita paidalanýǵa bolatyn sý kólemin aiaýsyz paidalanady. Olar qaita óńdemeidi, óitkeni bul paidasyz. Óitkeni sý tarifi óte arzan. Al tarifter qymbattasa halyq qomaqty aqsha tóleýine májbúr bolady”, – dedi qoǵam belsendisi Timýr Eleýsizov.
Qazirgi sý kodeksi 2003 jyly qabyldanǵan. Ol ekonomikalyq tiimdilikke basa nazar aýdarady. Jańa joba sý qaýipsizdigi men sýdy únemdeýge baǵyttalǵan. Qujatty qazir májilis depýtattary qarap jatyr.
