Sońǵy bes jylda alaiaqtyq pen qarjy piramidalary qylmystary 26 paiyzǵa ósti. Bul týraly Senattyń Konstitýtsiialyq zańnama, sot júiesi jáne quqyq qorǵaý organdary komitetiniń otyrysynda depýtat Vladimir Volkov aitty, dep habarlaidy QazAqparat.
Komitet tóraǵasy V. Volkov otyrysty asha kelip, sońǵy bes jyl ishinde osy saladaǵy qylmystyń 26%-ǵa kóbeigeni týraly derekti keltirdi. Olardyń qataryna ǵalamtordaǵy qylmystar da bar. Ótken jyldyń qorytyndysy boiynsha ol qylmystardyń sany 2,5 ese ósip, 4 250 myńnan 10 myńǵa deiin kóbeiip ketken.
«Qazirgi jaǵdaida kiberqylmysta tergeý shekarasy joq jáne ol transshekaralyq sanatqa aýysyp ketedi. Bul elderdi halyqaralyq deńgeide birlesken is-qimyl jasaýǵa májbúr etedi. Osyǵan bailanysty kiberqylmyspen kúres salasyndaǵy halyqaralyq sarapshylardyń halyqaralyq standarttar talaptaryna sai keletin qazaqstandyq zańnama normalaryn qaita qaraý jáne pysyqtaý jónindegi usynymdaryn zerdeleý jáne talqylaý mańyzdy bolyp otyr», - dedi senator.
Senator Lázzat Súleimen óz kezeginde alaiaqtyqtyń qurbandary kóbinese halyqtyń áleýmettik osal toptarynyń ókilderi ekenin atap ótti. Depýtat osyǵan bailanysty qazaqstandyqtardyń qarjylyq saýatyn arttyrý aiasynda qarjy piramidalaryna qarsy is-qimyl boiynsha buqaralyq aqparat quraldarynda túsindirý jumystaryn kúsheitýdi usyndy.
Bas prokýratýranyń aqparaty boiynsha, qylmystyń osy túrlerine qarsy is-qimyl jasaý úshin mekemearalyq jumys toptary quryldy, yntymaqtastyq týraly memorandýmdar, ádistemelik quraldar ázirlendi. Sondai-aq mikrokreditter berý qaǵidalaryna ózgerister engizilip, qylmystardy ashý jáne tergeý boiynsha jedel-tergeý toptary qurylǵan eken.
Ishki ister ministrliginiń ókili múddeli memlekettik organdar sheteldik kiberqylmysqa qarsy is-qimyl jónindegi quqyq qorǵaý organdarymen 2018 jyldan bastap Eýropa Keńesiniń Kompiýterlik qylmystar jónindegi Býdapesht konventsiiasyna Qazaqstannyń qosylýy jóninde is-sharalar júrgizip jatqanyn habarlady. Búgingi kúni Konventsiia osy salada halyqaralyq ózara is-qimyldy qamtamasyz etetin ámbebap qujat bolyp sanalady.
Senatorlar otyrys nátijesi boiynsha qorytyndy daiyndady. Olardyń qatarynda alaiaqtyq áreketter men qarjy piramidalaryna qarsy is-qimyl salasyndaǵy halyqaralyq qujattar men standarttardyń talaptaryn eskere otyryp, zańnamany jetildirý jónindegi mekemearalyq jumys tobyn qurý, sondai-aq naqty terminologiiany ázirleý, kiberkeńistiktegi quqyqtyq qatynastar sýbektileriniń quqyqtary men jaýapkershiligin aiqyndaý, kiber quqyq buzýshylyqtyń belgilerin, is júrgizý erekshelikterin saralaý týraly usynystar bar.
