سوڭعى بەس جىلدا الاياقتىق پەن قارجى پيراميدالارى قىلمىستارى 26 پايىزعا ٶستٸ. بۇل تۋرالى سەناتتىڭ كونستيتۋتسييالىق زاڭناما, سوت جٷيەسٸ جەنە قۇقىق قورعاۋ ورگاندارى كوميتەتٸنٸڭ وتىرىسىندا دەپۋتات ۆلاديمير ۆولكوۆ ايتتى, دەپ حابارلايدى قازاقپارات.
كوميتەت تٶراعاسى ۆ. ۆولكوۆ وتىرىستى اشا كەلٸپ, سوڭعى بەس جىل ٸشٸندە وسى سالاداعى قىلمىستىڭ 26%-عا كٶبەيگەنٸ تۋرالى دەرەكتٸ كەلتٸردٸ. ولاردىڭ قاتارىنا عالامتورداعى قىلمىستار دا بار. ٶتكەن جىلدىڭ قورىتىندىسى بويىنشا ول قىلمىستاردىڭ سانى 2,5 ەسە ٶسٸپ, 4 250 مىڭنان 10 مىڭعا دەيٸن كٶبەيٸپ كەتكەن.
«قازٸرگٸ جاعدايدا كيبەرقىلمىستا تەرگەۋ شەكاراسى جوق جەنە ول ترانسشەكارالىق ساناتقا اۋىسىپ كەتەدٸ. بۇل ەلدەردٸ حالىقارالىق دەڭگەيدە بٸرلەسكەن ٸس-قيمىل جاساۋعا مەجبٷر ەتەدٸ. وسىعان بايلانىستى كيبەرقىلمىسپەن كٷرەس سالاسىنداعى حالىقارالىق ساراپشىلاردىڭ حالىقارالىق ستاندارتتار تالاپتارىنا ساي كەلەتٸن قازاقستاندىق زاڭناما نورمالارىن قايتا قاراۋ جەنە پىسىقتاۋ جٶنٸندەگٸ ۇسىنىمدارىن زەردەلەۋ جەنە تالقىلاۋ ماڭىزدى بولىپ وتىر», - دەدٸ سەناتور.
سەناتور لەززات سٷلەيمەن ٶز كەزەگٸندە الاياقتىقتىڭ قۇرباندارى كٶبٸنەسە حالىقتىڭ ەلەۋمەتتٸك وسال توپتارىنىڭ ٶكٸلدەرٸ ەكەنٸن اتاپ ٶتتٸ. دەپۋتات وسىعان بايلانىستى قازاقستاندىقتاردىڭ قارجىلىق ساۋاتىن ارتتىرۋ اياسىندا قارجى پيراميدالارىنا قارسى ٸس-قيمىل بويىنشا بۇقارالىق اقپارات قۇرالدارىندا تٷسٸندٸرۋ جۇمىستارىن كٷشەيتۋدٸ ۇسىندى.
باس پروكۋراتۋرانىڭ اقپاراتى بويىنشا, قىلمىستىڭ وسى تٷرلەرٸنە قارسى ٸس-قيمىل جاساۋ ٷشٸن مەكەمەارالىق جۇمىس توپتارى قۇرىلدى, ىنتىماقتاستىق تۋرالى مەموراندۋمدار, ەدٸستەمەلٸك قۇرالدار ەزٸرلەندٸ. سونداي-اق ميكروكرەديتتەر بەرۋ قاعيدالارىنا ٶزگەرٸستەر ەنگٸزٸلٸپ, قىلمىستاردى اشۋ جەنە تەرگەۋ بويىنشا جەدەل-تەرگەۋ توپتارى قۇرىلعان ەكەن.
ٸشكٸ ٸستەر مينيسترلٸگٸنٸڭ ٶكٸلٸ مٷددەلٸ مەملەكەتتٸك ورگاندار شەتەلدٸك كيبەرقىلمىسقا قارسى ٸس-قيمىل جٶنٸندەگٸ قۇقىق قورعاۋ ورگاندارىمەن 2018 جىلدان باستاپ ەۋروپا كەڭەسٸنٸڭ كومپيۋتەرلٸك قىلمىستار جٶنٸندەگٸ بۋداپەشت كونۆەنتسيياسىنا قازاقستاننىڭ قوسىلۋى جٶنٸندە ٸس-شارالار جٷرگٸزٸپ جاتقانىن حابارلادى. بٷگٸنگٸ كٷنٸ كونۆەنتسييا وسى سالادا حالىقارالىق ٶزارا ٸس-قيمىلدى قامتاماسىز ەتەتٸن ەمبەباپ قۇجات بولىپ سانالادى.
سەناتورلار وتىرىس نەتيجەسٸ بويىنشا قورىتىندى دايىندادى. ولاردىڭ قاتارىندا الاياقتىق ەرەكەتتەر مەن قارجى پيراميدالارىنا قارسى ٸس-قيمىل سالاسىنداعى حالىقارالىق قۇجاتتار مەن ستاندارتتاردىڭ تالاپتارىن ەسكەرە وتىرىپ, زاڭنامانى جەتٸلدٸرۋ جٶنٸندەگٸ مەكەمەارالىق جۇمىس توبىن قۇرۋ, سونداي-اق ناقتى تەرمينولوگييانى ەزٸرلەۋ, كيبەركەڭٸستٸكتەگٸ قۇقىقتىق قاتىناستار سۋبەكتٸلەرٸنٸڭ قۇقىقتارى مەن جاۋاپكەرشٸلٸگٸن ايقىنداۋ, كيبەر قۇقىق بۇزۋشىلىقتىڭ بەلگٸلەرٸن, ٸس جٷرگٸزۋ ەرەكشەلٸكتەرٸن سارالاۋ تۋرالى ۇسىنىستار بار.
