QR Ishki ister ministrliginiń resmi ókili Nurdildá Oraz Qazaqstanda ótken aptada tirkelgen qylmystar jóninde aityp berdi, dep habarlaidy QazAqparat.
«Ótken aptada elimizde 3434 qylmys pen quqyqbuzýshylyqtar tirkeldi. Kezekshi iz kesýshiler 2228 qylmysty anyqtady. Qylmystar arasynda burynǵydai urlyq kósh bastap tur. Ótken aptada elimiz boiynsha 1316 urlyq jasalǵan. Onyń ishinde 568 urlyq ashyldy», - dedi Nurdildá Oraz facebook jelisinde ótken onlain brifingte.
Resmi ókildiń aitýynsha, qarjylyq piramida qurǵan birneshe kúdiktige qatysty tergeý bastaldy.
QR IIM Tergeý deparatmenti 2016-2017 jyldar aralyǵynda Questra Holdings, Questra World, Atlantic Global Asset Management, FIVE WINDS Asset Management degen ataýlarmen qarjylyq piramida qurǵan birqatar elimizdiń jáne basqa elderdiń azamattaryna qatysty tergeýdi bastady. Olardyń áreketinen myńdaǵan qazaqstandyq zardap shekken. Qarapaiym azamattar bas-aiaǵy 1 mlrd teńgeden astam qarajatqa aldanǵanyn aityp otyr», - dedi N. Oraz.
