قر ٸشكٸ ٸستەر مينيسترلٸگٸنٸڭ رەسمي ٶكٸلٸ نۇردٸلدە وراز قازاقستاندا ٶتكەن اپتادا تٸركەلگەن قىلمىستار جٶنٸندە ايتىپ بەردٸ, دەپ حابارلايدى قازاقپارات.
«ٶتكەن اپتادا ەلٸمٸزدە 3434 قىلمىس پەن قۇقىقبۇزۋشىلىقتار تٸركەلدٸ. كەزەكشٸ ٸز كەسۋشٸلەر 2228 قىلمىستى انىقتادى. قىلمىستار اراسىندا بۇرىنعىداي ۇرلىق كٶش باستاپ تۇر. ٶتكەن اپتادا ەلٸمٸز بويىنشا 1316 ۇرلىق جاسالعان. ونىڭ ٸشٸندە 568 ۇرلىق اشىلدى», - دەدٸ نۇردٸلدە وراز facebook جەلٸسٸندە ٶتكەن ونلاين بريفينگتە.
رەسمي ٶكٸلدٸڭ ايتۋىنشا, قارجىلىق پيراميدا قۇرعان بٸرنەشە كٷدٸكتٸگە قاتىستى تەرگەۋ باستالدى.
قر ٸٸم تەرگەۋ دەپاراتمەنتٸ 2016-2017 جىلدار ارالىعىندا Questra Holdings, Questra World, Atlantic Global Asset Management, FIVE WINDS Asset Management دەگەن اتاۋلارمەن قارجىلىق پيراميدا قۇرعان بٸرقاتار ەلٸمٸزدٸڭ جەنە باسقا ەلدەردٸڭ ازاماتتارىنا قاتىستى تەرگەۋدٸ باستادى. ولاردىڭ ەرەكەتٸنەن مىڭداعان قازاقستاندىق زارداپ شەككەن. قاراپايىم ازاماتتار باس-اياعى 1 ملرد تەڭگەدەن استام قاراجاتقا الدانعانىن ايتىپ وتىر», - دەدٸ ن. وراز.
