Elimizde azyq-túlik qaýipsizdigin saqtaýǵa Aýyl sharýashylyǵy ministrligi qanshalyqty daiyn? Osy suraqtyń jaýaby tóńireginde Aýyl sharýashylyǵy vitse-ministri Nurbek Daiyrbekov ministrliktiń málimetterimen bólisti, dep habarlaidy QazAqparat.
«2020 jyldyń birinshi jarty jyldyǵynda sharýashylyqtyń barlyq sanatyndaǵy iri qara mal sany 4,5%-ǵa 9 030,9 myń basqa deiin, usaq qara mal (qoi men eshki) 2,0%- ǵa, iaǵni 25,0 mln basqa deiin ósti», - dedi Nurbek Daiyrbekov OKQ-da ótken baspasóz máslihatynda.
Vitse-ministrdiń sózinshe, biyl aýyl sharýashylyǵy daqyldarynyń jalpy egis alańy 22,5 mln gektardy quraǵan. Bul ótken jylǵy deńgeiden 238 myń gektarǵa artyq. Oblystardyń jedel derekterine sáikes jem–shóp daqyldarynyń alqaptary 308,6 myń ga, maily daqyldar 142 myń ga, baqsha daqyldary 7,4 myń ga, kókónis daqyldary 3,9 myń ga, kartop 2,5 myń ga ulǵaitylǵan.
«Osy jyldyń basynan bastap keibir azyq-túlik taýarlary baǵasynyń ósýine keletin bolsaq, (kartop - 43,3%, sábiz - 31,4%, piiaz - 20,3%, qaraqumyq jarmasy – 19%, sary mai – 10,2%, qant - 10,7%) bul olardyń óndirisi kóleminiń tómendeýimen bailanysty emes. Baǵanyń aýytqýyna jáne ósýine óndiristiń maýsymdylyǵy, tiimsiz deldaldar, ónimniń ózindik qunyna tikelei áser etetin qyzmetter baǵasynyń ósýi, sondai-aq turaqsyz jetkizilimder men karantin jaǵdaiynda kúrt ósip kele jatqan suranys siiaqty faktorlar áser etedi», - dedi ol.
Qazirgi ýaqytta Almaty, Jambyl, Qyzylorda jáne Túrkistan oblystarynda kartop, piiaz, sábiz, qyryqqabat, qiiar, qyzanaq jinaý jumystary júrgizilýde. Sondyqtan baǵa maýsymdyq sipatta tómendeidi.
