Parlament Senatynyń otyrysynda depýtat Baqtybai Shelpekov osy suraqty Bilim jáne ǵylym vitse-ministri Sholpan Qarinovaǵa qoidy, dep habarlaidy QazAqparat.
«Zań jobasyn qarastyrylyp otyrǵan normalar ǵylym salasyn ary qarai damytýǵa úlken úles qosady dep kútilýde. Sonyń ishinde ǵylym salasyndaǵy naqty engizilip otyrǵan zań normasynda ózgerister, onyń ishindegi naqty ǵylymi keńesterdiń jumysyn úilestirýge, odan keiin Ulttyq ǵylymi saraptama ortalyǵynyń ashyqtyǵyn qamtamasyz etýge, ǵylym salasyna bólingen qarajattyń ashyqtyǵy men tiimdiligin qamtamasyz etýge baǵyttalǵan normalar bar», - dedi Sholpan Qarinova ǵylym jónindegi zań jobasy talqylanǵan Senat otyrysynda.
Vitse-ministr sondai-aq ǵylym salasyn qarjylandyrý jónindegi Prezident tiisti tapsyrma bergenin aityp ótti.
«2020 jyly 2019 jylmen salystyrǵanda qarjylandyrý 42 paiyzǵa ulǵaityldy. Al biyl 2021 jyly bul kórsetkish taǵy 17 paiyzǵa ulǵaitylǵanyn kórip otyrmyz. Sonymen qatar Memleket basshysy qarjylandyrýdy jer qoinaýyn paidalanýshylardyń esebinen 1 paiyzǵa arttyrý jónindegi tapsyrma bergen. Iaǵni, aldaǵy ýaqytta ǵylym tek memlekettik biýdjetten emes, jer qoinaýyn paidalanýshylar arqyly da qarjylandyrylady», - dedi ol.
