پارلامەنت سەناتىنىڭ وتىرىسىندا دەپۋتات باقتىباي شەلپەكوۆ وسى سۇراقتى بٸلٸم جەنە عىلىم ۆيتسە-مينيسترٸ شولپان قارينوۆاعا قويدى, دەپ حابارلايدى قازاقپارات.
«زاڭ جوباسىن قاراستىرىلىپ وتىرعان نورمالار عىلىم سالاسىن ارى قاراي دامىتۋعا ٷلكەن ٷلەس قوسادى دەپ كٷتٸلۋدە. سونىڭ ٸشٸندە عىلىم سالاسىنداعى ناقتى ەنگٸزٸلٸپ وتىرعان زاڭ نورماسىندا ٶزگەرٸستەر, ونىڭ ٸشٸندەگٸ ناقتى عىلىمي كەڭەستەردٸڭ جۇمىسىن ٷيلەستٸرۋگە, ودان كەيٸن ۇلتتىق عىلىمي ساراپتاما ورتالىعىنىڭ اشىقتىعىن قامتاماسىز ەتۋگە, عىلىم سالاسىنا بٶلٸنگەن قاراجاتتىڭ اشىقتىعى مەن تيٸمدٸلٸگٸن قامتاماسىز ەتۋگە باعىتتالعان نورمالار بار», - دەدٸ شولپان قارينوۆا عىلىم جٶنٸندەگٸ زاڭ جوباسى تالقىلانعان سەنات وتىرىسىندا.
ۆيتسە-مينيستر سونداي-اق عىلىم سالاسىن قارجىلاندىرۋ جٶنٸندەگٸ پرەزيدەنت تيٸستٸ تاپسىرما بەرگەنٸن ايتىپ ٶتتٸ.
«2020 جىلى 2019 جىلمەن سالىستىرعاندا قارجىلاندىرۋ 42 پايىزعا ۇلعايتىلدى. ال بيىل 2021 جىلى بۇل كٶرسەتكٸش تاعى 17 پايىزعا ۇلعايتىلعانىن كٶرٸپ وتىرمىز. سونىمەن قاتار مەملەكەت باسشىسى قارجىلاندىرۋدى جەر قويناۋىن پايدالانۋشىلاردىڭ ەسەبٸنەن 1 پايىزعا ارتتىرۋ جٶنٸندەگٸ تاپسىرما بەرگەن. ياعني, الداعى ۋاقىتتا عىلىم تەك مەملەكەتتٸك بيۋدجەتتەن ەمەس, جەر قويناۋىن پايدالانۋشىلار ارقىلى دا قارجىلاندىرىلادى», - دەدٸ ول.
