Foto: Global Look Press
Elimizde keibir alkogol ónimi qymbattaidy. Bul týraly Ulttyq ekonomika ministri Álibek Qýantyrov aitty, dep habarlaidy Kazinform agenttigi.
«Menińshe, syra baǵasy qatty óspeidi. Óitkeni ol ózimizde shyǵarylady. Kúshtiligi joǵary keibir alkogol túrlerine qatysty másele basqa. Olardyń aktsizi tómen. Qazirgi ýaqytta jaǵdai túzeldi. Iaǵni ol aktsizderdiń baǵasy jylda ósip jatyr. Óitkeni ol ailyq eseptik kórsetkishke bailanystyrylǵan. Olar naqty mánde bir deńgeide turaqty bola almaidy. Qyzdyrylatyn temekige, alkogoldiń keibir túrlerine aktsiz eselep ósti», - dedi ministr Májilis otyrysynan keiin BAQ ókilderiniń saýalyna orai.
Onyń atap ótýinshe, sán-saltanat salyǵy aiasynda tańdaýly alkogolderdiń aktsizi kóteriledi.
«Brendi alkogoldiń túri bolǵanymen, oǵan az tóledik. Biraq onyń aktsizi keminde araqtyń aktsizimen birdei bolýy tiis edi. Qazirgi ýaqytta bul aktsiz birneshe ret kóterildi. Importtalatyn, ásirese tańdaýly alkogolderge qosymsha sán-saltanat salyǵy engiziletin bollady. Salyq birneshe ese artady», - dedi Álibek Qýantyrov.
Aita keteiik, búgin Májilistiń jalpy otyrysynda Salyq kodeksine ózgertýler men tolyqtyrýlar engizýdi kózdegen zań jobasyn 1-oqylymda maquldandy. Qujatta syra qainatý ónimderine aktsiz stavkalaryn litrine 79 teńgeden 90 teńgege deiin kóterý kózdelgen.
