Elimizde bir apta ishinde 3 127 qylmys jasaldy. Bul týraly QR IIM baspasóz qyzmetiniń ókili Shuǵyla Turlybek aitty, dep habarlaidy "Ult aqparat".
«Bir apta ishinde 3 127 qylmys jasaldy. Onyń 2 018-i táýlik ishinde ashyldy. Politsiia qyzmetkerleri «izin sýytpai» 9 kisi óltirýdi, 2 ólimge ákep soqqan densaýlyqqa qasaqana aýyr ziian keltirýdi, 1 qaraqshylyq, 42 tonaý jáne 460 bóten múlikti urlaý qylmystaryn ashty», - dedi Shuǵyla Turlybek ministrliktiń aptalyq brifinginde.
Sonymen qatar ol adam saýdasynyń aldyn alý jáne eńbekke zańsyz tartylǵandardy anyqtaý boiynsha pilottyq jobanyń aralyq qorytyndylary shyǵarylǵanyn aitty.
«Joba aiasynda Qaraǵandy, Túrkistan jáne Mańǵystaý oblystarynda politsiia men prokýratýra qyzmetkerleri, memlekettik eńbek inspektorlary jáne úkimettik emes uiym mamandarynan turatyn mobildi toptar jumys isteidi. Shalǵai aýdandar men aýyldardyń turǵyndarymen kezdesý barysynda mamandar adam saýdasy máselesi men onyń belgilerine toqtaldy. Sondai-aq mundai jaǵdaiǵa qalai túspeý kerektigin jáne shuǵyl túrde qaida júginý kerektigin túsindirdi», - dedi ol.
