Ishki ister organdary júrgizgen respýblikalyq reid barysynda jalǵan memlekettik tirkeý nómirlik belgilerin paidalanǵan 500-den astam avtokólik anyqtaldy, dep habarlaidy ult.kz.
Polisia.kz málimetinshe, 10-14 maýsym aralyǵynda elimiz boiynsha jalǵan nómirli kólikterdi anyqtaý jáne mundai quqyq buzýshylyqtardyń jolyn kesýge baǵyttalǵan arnaiy reidtik is-sharalar ótkizilgen.
Nátijesinde jol qozǵalysy erejelerin buzýdyń 22 myńnan astam deregi tirkeldi. Onyń ishinde 500 avtokólikte jalǵan memlekettik tirkeý nómirlik belgileri ornatylǵany belgili boldy.
Sondai-aq reid barysynda memlekettik nómirsiz paidalanylǵan 1,5 myńnan astam kólik anyqtalǵan. Jalpy alǵanda shamamen 2,5 myń avtokólik arnaiy aiyp turaǵyna qoiyldy.
IIM Ákimshilik politsiia komitetiniń erekshe tapsyrmalar jónindegi aǵa inspektory Arai Tólegenqyzynyń aitýynsha, mundai faktilerdiń basym bóligi qasaqana jasalady.
«Jalǵan memlekettik tirkeý nómirlik belgilerin paidalaný kóbine quqyq buzýshylyqtar úshin jaýapkershilikten jaltarý maqsatynda júzege asyrylady», – dedi ol.
IIM mundai quqyq buzýshylyqtardy anyqtaý jáne olardyń jolyn kesý boiynsha reidtik jumystar aldaǵy ýaqytta da turaqty túrde jalǵasatynyn málimdedi.
