Ulttyq banktiń aqsha-kredit saiasaty komiteti bazalyq mólsherlemeni +/- 1 p.t. dálizimen jyldyq 14,50% tómendetti, dep habarlaidy "Ult aqparat" Ulttyq banktiń baspasóz qyzmetine silteme jasap.
Sáýirde infliatsiia tómendedi. Syrtqy infliatsiialyq jaǵdai ortalyq bankterdiń tejeý saiasaty jáne álemdik azyq-túlik naryqtaryndaǵy baǵa dinamikasyna sáikes ózgergen joq. Ekonomika ishindegi proinfliatsiialyq qysym fiskaldyq yntalandyrý, TKQ reformasy, ishki suranys sebepterinen saqtalyp otyr.
Keleshekte 5%-dyq infliatsiiaǵa jetý uzaq ýaqyt ustamdy qatań aqsha-kredit saiasatyn júrgizýdi qajet etedi. Infliatsiianyń turaqty túrde baiaýlaýy bazalyq mólsherlemeniń tómendeýine ákeledi. Qazirgi aqsha-kredit sharttary infliatsiialyq úderisterdiń baiaýlaý qarqynyn jáne infliatsiialyq kútýlerdi turaqtandyrýǵa baǵyttalǵan.
"Jyldyq infliatsiia sáýirde 8,7% baiaýlady. Azyq-túliktiń syrtqy baǵasyna bailanysty infliatsiianyń azyq-túlik komponenti boiynsha eleýli túrde tómendeýi baiqalady. Ornyqty suranys pen tutynýshylyq kreditteýdiń jedeldeýine qaramastan, azyq-túlikke jatpaityn infliatsiia da baiaýlap keledi. Aqyly qyzmetter qunynyń ósýi TKQ baǵasynyń qymbattaý áserinen jedeldedi", – dep málimdedi ulttyq bank.
Sáýirde ailyq infliatsiia 0,6% deńgeiinde qalyptasyp, jalpy alǵanda ortasha tarihi dinamikaǵa (0,6%) sáikes keldi. Bazalyq infliatsiia kórsetkishteri ekinshi ai qatarynan baiaýlap otyr. Bul azyq-túlik taýarlary baǵasynyń meilinshe tómendeýine bailanysty. Al TBI-diń azyq-túlikke jatpaityn jáne servistik komponentteri nysanaly mánnen joǵary.
