ۇلتتىق بانكتٸڭ اقشا-كرەديت ساياساتى كوميتەتٸ بازالىق مٶلشەرلەمەنٸ +/- 1 پ.ت. دەلٸزٸمەن جىلدىق 14,50% تٶمەندەتتٸ, دەپ حابارلايدى "ۇلت اقپارات" ۇلتتىق بانكتٸڭ باسپاسٶز قىزمەتٸنە سٸلتەمە جاساپ.
سەۋٸردە ينفلياتسييا تٶمەندەدٸ. سىرتقى ينفلياتسييالىق جاعداي ورتالىق بانكتەردٸڭ تەجەۋ ساياساتى جەنە ەلەمدٸك ازىق-تٷلٸك نارىقتارىنداعى باعا ديناميكاسىنا سەيكەس ٶزگەرگەن جوق. ەكونوميكا ٸشٸندەگٸ پروينفلياتسييالىق قىسىم فيسكالدىق ىنتالاندىرۋ, تكق رەفورماسى, ٸشكٸ سۇرانىس سەبەپتەرٸنەن ساقتالىپ وتىر.
كەلەشەكتە 5%-دىق ينفلياتسيياعا جەتۋ ۇزاق ۋاقىت ۇستامدى قاتاڭ اقشا-كرەديت ساياساتىن جٷرگٸزۋدٸ قاجەت ەتەدٸ. ينفلياتسييانىڭ تۇراقتى تٷردە باياۋلاۋى بازالىق مٶلشەرلەمەنٸڭ تٶمەندەۋٸنە ەكەلەدٸ. قازٸرگٸ اقشا-كرەديت شارتتارى ينفلياتسييالىق ٷدەرٸستەردٸڭ باياۋلاۋ قارقىنىن جەنە ينفلياتسييالىق كٷتۋلەردٸ تۇراقتاندىرۋعا باعىتتالعان.
"جىلدىق ينفلياتسييا سەۋٸردە 8,7% باياۋلادى. ازىق-تٷلٸكتٸڭ سىرتقى باعاسىنا بايلانىستى ينفلياتسييانىڭ ازىق-تٷلٸك كومپونەنتٸ بويىنشا ەلەۋلٸ تٷردە تٶمەندەۋٸ بايقالادى. ورنىقتى سۇرانىس پەن تۇتىنۋشىلىق كرەديتتەۋدٸڭ جەدەلدەۋٸنە قاراماستان, ازىق-تٷلٸككە جاتپايتىن ينفلياتسييا دا باياۋلاپ كەلەدٸ. اقىلى قىزمەتتەر قۇنىنىڭ ٶسۋٸ تكق باعاسىنىڭ قىمباتتاۋ ەسەرٸنەن جەدەلدەدٸ", – دەپ مەلٸمدەدٸ ۇلتتىق بانك.
سەۋٸردە ايلىق ينفلياتسييا 0,6% دەڭگەيٸندە قالىپتاسىپ, جالپى العاندا ورتاشا تاريحي ديناميكاعا (0,6%) سەيكەس كەلدٸ. بازالىق ينفلياتسييا كٶرسەتكٸشتەرٸ ەكٸنشٸ اي قاتارىنان باياۋلاپ وتىر. بۇل ازىق-تٷلٸك تاۋارلارى باعاسىنىڭ مەيلٸنشە تٶمەندەۋٸنە بايلانىستى. ال تبي-دٸڭ ازىق-تٷلٸككە جاتپايتىن جەنە سەرۆيستٸك كومپونەنتتەرٸ نىسانالى مەننەن جوعارى.
