Elimizde azyq-túlik taýarlarynyń baǵasy 0,9%-ǵa tómendegeni baiqalady, dep habarlaidy "Ult aqparat" QR Ulttyq ekonomika ministrliginiń baspasóz qyzmetine silteme jasap.
Qazaqstanda infliatsiia osy jyldyń tamyzynda 0,1%-dy qurady (jyl basynan bergi kezeńde – 3,9%, jyldyq mánde – 7%).
Azyq-túlikten basqa taýarlar men aqyly qyzmetterdiń baǵasy bir aida 0,7%-ǵa ósti, azyq-túlik ónimderi 0,9%-ǵa arzandady. Bul jemis-kókónis ónimderiniń 9,2%-ǵa maýsymdyq arzandaýymen bailanysty. Jańa pisken jemisterdiń baǵasy 4,4%-ǵa, jańa pisken kókónistiki 13,2%-ǵa, kartop baǵasy 20,4%-ǵa tómendedi.
Sonymen qatar, qumsheker 2,2%, qaraqumyq jarmasy 2,9%, jumyrtqa 1,5%-ǵa arzandaǵany baiqalady.
Statistika derekterine qaraǵanda, jyl basynda 19 áleýmettik mańyzdy azyq-túlik taýarynyń baǵa indeksi 1,1%-dy qurady.
Sonymen birge, osy jyldyń tamyzynda jekelegen azyq-túlik: shujyq 1,4%-ǵa, qus eti 1,2%-ǵa, siyr jáne shoshqa eti 1,1%-ǵa, jylqy jáne qoi eti 0,4%-ǵa qymbattaǵan.
Sút ónimderiniń baǵasy 1,2%-ǵa, alkogoldi ishimdikter 1%-ǵa ósti.
