Qazaqstanda 1 jyldyń ishinde azyq-túlik taýarlarynyń baǵasy 9,2 paiyzǵa qymbattady. Bul jaiynda QR UEM Statistika komitetinen málim etti, dep habarlaidy "Ult aqparat".
«Azyq-túlik taýarlaryna baǵa bir jylda (2020 jylǵy qańtar 2019 jylǵy qańtarǵa) 9,2 paiyz ósti. Nan ónimderi jáne jarmalar, et, balyq jáne teńiz ónimderi, sút ónimderi, jumyrtqa, mai sońdai-aq tońmai, jemister men kókónister, konditerlik ónimder, alkogolsiz sýsyndar jáne alkogoldi ishimdikter qymbattady. Al qant arzandady. 2020 jylǵy qańtarda jarma ónimderi tobynda qaraqumyq jarmasyna ortasha baǵa kelisine 319 teńgeni (2019 jylǵy qańtarda – 246 teńge), suly jarmasyna – 351 teńgeni (327 teńge), sókke – 375 teńgeni (241 teńge), kúrishke 378 teńgeni (317 teńge) qurady», - delingen komitet aqparatynda.
Vedomstvo málimetinshe, qumshekerdiń ortasha baǵasy 2020 jylǵy qańtarda kelisine 188 teńgege jetse, 2019 jylǵy qańtarda 240 teńge bolǵan edi.
2020 jylǵy qańtarda et jáne et ónimderinen siyr etiniń jaýyryn-tós bóligine ortasha baǵa kelisine 1815 teńgeni (2019 jylǵy qańtarda – 1560 teńge), súiegi bar qoi etine – 1719 teńgeni (1464 teńge), súiegi bar jylqy etine – 2039 teńgeni (1766 teńge), shoshqa etiniń jaýyryn bóligine – 1467 teńgeni (1320 teńge), shala ystalǵan shujyqqa – 2172 teńgeni (2030 teńge), taýyqtyń san etine – 833 teńgeni (750 teńge) qurady.
