Qazaqstanda ashyq tústi munai ónimderin importtaýǵa 1 qarashaǵa deiin tyiym salyndy. Bul týraly "Ult aqparat" Energetika ministrliginiń baspasóz qyzmetine silteme jasap habarlaidy.
Ministrliktiń habarlaýynsha, búgingi tańda ishki naryqta munai ónimderiniń qorlary aitarlyqtai joǵary deńgeide jáne importtyq otynnyń qosymsha kóleminiń kelýi otandyq munai óńdeýge teris áser etýi múmkin, atap aitqanda:
- qazaqstandyq MÓZ-den munai ónimderin tiep-jóneltý kólemin azaitýǵa;
- zaýyttardyń rezervýarlyq parkteriniń, sondai-aq eldiń barlyq munai saqtaý bazalarynyń tolyp ketýine ákelip,
- sonyń saldarynan munaidy óńdeýdi májbúrli tómendetýge teris áser etýi múmkin, bul dizel jáne aviatsiialyq otyn siiaqty basqa da baǵaly munai ónimderiniń túrlerin óndirýdiń tómendeýine ákep soǵady.
