Ótken jyly respýblikalyq onomastikalyq komissiia 4 ret bas qosyp, ideialogiialyq turǵydan eskirgen 147 kósheni, 32 mektep pen mádeniet úiin, 85 temirjol stantsiiasyn qazaqshalaǵan. Biraq elimizde áli kúnge deiin Leninniń atynda 352 kóshe bar eken. Sondai-aq, jalpy soltústik óńirde 650 eldi meken ataýynyń tek 35%-y ǵana qazaqshalanǵan, dep habarlaidy "Ult aqparat" «Qazaqstan» ulttyq arnasynyń jańalyqtar qyzmetine silteme jasap.
2016 jyly respýblikalyq onomastikalyq komissiia 4 ret bas qosyp, ideialogiialyq turǵydan eskirgen 147 kósheni, 32 mektep pen mádeniet úiin, 85 temirjol stantsiiasyn qazaqshalaǵan. Al Almaty men Astanada jáne ózge de óńirlerde eskirgen ataýlar jańartylýda. Mysaly, Qostanaidyń Taran atyndaǵy ortalyq kóshesi Táýelsizdik bolyp ózgerse, Soltústik Qazaqstan oblysynda da eldi mekenderdegi eskirgen ataýlar jańartyldy.
SQO Tilderdi damytý jónindegi basqarmasy Onomastikalyq jumys bóliminiń basshysy Erniiaz Sultanov óńirde eldi meken ataýlaryn qazaqshalaý josparly túrde júrgizilip jatqandyǵyn atap ótti.
«Sergievka qalasyndaǵy bir kóshege Sáken Seifýlinniń, al Iavlenko kóshesine Boranbai Ábishevtiń esimi berildi. Qostanai oblysyndaǵy Talshyq aýylyndaǵy kóshege e.ǵ.d. Keńes Qajymardyń esimin berdik», - deidi basshy.
Alaida bul júrgizilip jatqan sharalar teńizge tamǵan tamshydai ǵana. QR Mádeniet jáne sport ministrliginiń onomastikalyq bazasynda eldi meken, kitaphana, mektep pen mádeniet úii sekildi nysandardy aitpaǵanda, elimizde Lenin atyndaǵy 352 kóshe bar eken. Al Qazaqstanda jalpy Oktiabr atynda 275 kóshe, al Sovetskii atyndaǵy 267 kóshe tirkelgen. Bul kóshelerdyń ataýy kóbinese Qostanai, Soltústik Qazaqstan oblysy jáne Shyǵys Qazaqstan oblystarynda jii kezdesedi.
Resmi málimet boiynsha Qostanai qalasynyń tek 15%-y, Petropavl qalasynyń 12%-y, Shyǵys Qazaqstan oblysy kósheleriniń 18%-y qazaqshalanǵan. Al QR Mádeniet jáne sport ministrligi Tilderdi damytý jáne qoǵamdyq saiasi jumys komitetiniń bas sarapshysy Elerke Tórehan ataýlardy qazaqshalaýǵa kedergi bolǵan negizgi sebepterge toqtaldy.
«Birinshiden, elimizde 7 jyl kóleminde moratorii boldy. Ekinshiden, eldi mekende kósheniń ataýyn aýystyrý úshin eń aldymen bir ai buryn kóshe ataýynyń ózgeretindigin halyqqa jariialaidy. Olar belgili bir jerge jinalady. Sol ýaqytta daýys berý hattamasy toltyrylady, qol qoiylady. Osy jerde kóptegen azamattar qarsylyq bildiredi. Sonyń saldarynan kóptegen kóshe ataýlary aýystyrylmai qalady», - deidi sarapshy.
Aita keteiik, keńestik dáýir men onyń kóseminiń atymen atalǵan kósheler Qyzylorda, Ońtústik Qazaqstan oblysy, Jambyl, Atyraý men Mańǵystaý oblystarynda múldem joq eken.
