ٶتكەن جىلى رەسپۋبليكالىق ونوماستيكالىق كوميسسييا 4 رەت باس قوسىپ, يدەيالوگييالىق تۇرعىدان ەسكٸرگەن 147 كٶشەنٸ, 32 مەكتەپ پەن مەدەنيەت ٷيٸن, 85 تەمٸرجول ستانتسيياسىن قازاقشالاعان. بٸراق ەلٸمٸزدە ەلٸ كٷنگە دەيٸن لەنيننٸڭ اتىندا 352 كٶشە بار ەكەن. سونداي-اق, جالپى سولتٷستٸك ٶڭٸردە 650 ەلدٸ مەكەن اتاۋىنىڭ تەك 35%-ى عانا قازاقشالانعان, دەپ حابارلايدى "ۇلت اقپارات" «قازاقستان» ۇلتتىق ارناسىنىڭ جاڭالىقتار قىزمەتٸنە سٸلتەمە جاساپ.
2016 جىلى رەسپۋبليكالىق ونوماستيكالىق كوميسسييا 4 رەت باس قوسىپ, يدەيالوگييالىق تۇرعىدان ەسكٸرگەن 147 كٶشەنٸ, 32 مەكتەپ پەن مەدەنيەت ٷيٸن, 85 تەمٸرجول ستانتسيياسىن قازاقشالاعان. ال الماتى مەن استانادا جەنە ٶزگە دە ٶڭٸرلەردە ەسكٸرگەن اتاۋلار جاڭارتىلۋدا. مىسالى, قوستانايدىڭ تاران اتىنداعى ورتالىق كٶشەسٸ تەۋەلسٸزدٸك بولىپ ٶزگەرسە, سولتٷستٸك قازاقستان وبلىسىندا دا ەلدٸ مەكەندەردەگٸ ەسكٸرگەن اتاۋلار جاڭارتىلدى.
سقو تٸلدەردٸ دامىتۋ جٶنٸندەگٸ باسقارماسى ونوماستيكالىق جۇمىس بٶلٸمٸنٸڭ باسشىسى ەرنيياز سۇلتانوۆ ٶڭٸردە ەلدٸ مەكەن اتاۋلارىن قازاقشالاۋ جوسپارلى تٷردە جٷرگٸزٸلٸپ جاتقاندىعىن اتاپ ٶتتٸ.
«سەرگيەۆكا قالاسىنداعى بٸر كٶشەگە سەكەن سەيفۋليننٸڭ, ال ياۆلەنكو كٶشەسٸنە بورانباي ەبٸشەۆتٸڭ ەسٸمٸ بەرٸلدٸ. قوستاناي وبلىسىنداعى تالشىق اۋىلىنداعى كٶشەگە ە.ع.د. كەڭەس قاجىماردىڭ ەسٸمٸن بەردٸك», - دەيدٸ باسشى.
الايدا بۇل جٷرگٸزٸلٸپ جاتقان شارالار تەڭٸزگە تامعان تامشىداي عانا. قر مەدەنيەت جەنە سپورت مينيسترلٸگٸنٸڭ ونوماستيكالىق بازاسىندا ەلدٸ مەكەن, كٸتاپحانا, مەكتەپ پەن مەدەنيەت ٷيٸ سەكٸلدٸ نىسانداردى ايتپاعاندا, ەلٸمٸزدە لەنين اتىنداعى 352 كٶشە بار ەكەن. ال قازاقستاندا جالپى وكتيابر اتىندا 275 كٶشە, ال سوۆەتسكيي اتىنداعى 267 كٶشە تٸركەلگەن. بۇل كٶشەلەردىڭ اتاۋى كٶبٸنەسە قوستاناي, سولتٷستٸك قازاقستان وبلىسى جەنە شىعىس قازاقستان وبلىستارىندا جيٸ كەزدەسەدٸ.
رەسمي مەلٸمەت بويىنشا قوستاناي قالاسىنىڭ تەك 15%-ى, پەتروپاۆل قالاسىنىڭ 12%-ى, شىعىس قازاقستان وبلىسى كٶشەلەرٸنٸڭ 18%-ى قازاقشالانعان. ال قر مەدەنيەت جەنە سپورت مينيسترلٸگٸ تٸلدەردٸ دامىتۋ جەنە قوعامدىق ساياسي جۇمىس كوميتەتٸنٸڭ باس ساراپشىسى ەلەركە تٶرەحان اتاۋلاردى قازاقشالاۋعا كەدەرگٸ بولعان نەگٸزگٸ سەبەپتەرگە توقتالدى.
«بٸرٸنشٸدەن, ەلٸمٸزدە 7 جىل كٶلەمٸندە موراتوريي بولدى. ەكٸنشٸدەن, ەلدٸ مەكەندە كٶشەنٸڭ اتاۋىن اۋىستىرۋ ٷشٸن ەڭ الدىمەن بٸر اي بۇرىن كٶشە اتاۋىنىڭ ٶزگەرەتٸندٸگٸن حالىققا جارييالايدى. ولار بەلگٸلٸ بٸر جەرگە جينالادى. سول ۋاقىتتا داۋىس بەرۋ حاتتاماسى تولتىرىلادى, قول قويىلادى. وسى جەردە كٶپتەگەن ازاماتتار قارسىلىق بٸلدٸرەدٸ. سونىڭ سالدارىنان كٶپتەگەن كٶشە اتاۋلارى اۋىستىرىلماي قالادى», - دەيدٸ ساراپشى.
ايتا كەتەيٸك, كەڭەستٸك دەۋٸر مەن ونىڭ كٶسەمٸنٸڭ اتىمەن اتالعان كٶشەلەر قىزىلوردا, وڭتٷستٸك قازاقستان وبلىسى, جامبىل, اتىراۋ مەن ماڭعىستاۋ وبلىستارىندا مٷلدەم جوق ەكەن.
