Birinshi qazaqstandyq JOO sybailas jemqorlyqqa qarsy halyqaralyq standartqa sáikestigin rastady, dep habarlaidy "Ult aqparat" Sybailas jemqorlyqqa qarsy qyzmetke silteme jasap.
Budan buryn Sybailas jemqorlyqqa qarsy is-qimyl agenttigi Bilim jáne ǵylym ministrligimen birlesip, oqý oryndarynda sybailas jemqorlyqqa qarsy saiasatty ilgeriletýdi kózdeitin JOO-da ashyqtyq standartyn ázirledi.
«Atalǵan standartty ázirleý kezinde uiymdaǵy sybailas jemqorlyq táýekelderin tómendetýge arnalǵan jáne bedelin jaqsarta otyryp, iskerlik qarym-qatynastardaǵy senimge yqpal etetin, «Sybailas jemqorlyqqa qarsy is-qimyl menedjmentiniń júiesi» ISO 37001 halyqaralyq sybailas jemqorlyqqa qarsy standartynyń talaptary eskerilgenin atap ótken jón. Osyǵan bailanysty, «Sanaly Urpaq» jobalyq keńsesi barlyq oqý oryndarynda ISO 37001 engizý boiynsha usynysty bastamashylyq etti. Osylaisha, Abai atyndaǵy Qazaq ulttyq pedagogikalyq ýniversitetinde ISO 37001 halyqaralyq standartynyń talaptaryna sáikes sybailas jemqorlyqqa qarsy is-qimyl menedjmenti júiesin ázirleý jáne engizý basym mindetterdiń biri bolyp belgilendi» delingen habarlamada.
Atqarylǵan jumys sheńberinde birqatar qujattar bekitildi, olardyń árqaisysynyń erejeleri Qazaqstan Respýblikasy zańnamasynyń normalaryn eskere otyryp, ISO 37001 talaptary boiynsha sybailas jemqorlyqqa qarsy is-qimylǵa baǵyttalǵan.
Ázirlengen ádistemege sáikes ýniversitettiń qurylymdyq bólimsheleriniń qyzmetindegi sybailas jemqorlyq táýekelderine baǵalaý júrgizildi. Táýekelder tsifrlandyryldy jáne mańyzy boiynsha saralandy, sondai-aq olardy azaitý jáne joiý boiynsha jaýapty tulǵalar men is-sharalar anyqtaldy.
Nátijesinde 18 maýsymda «EVROCERT» eýropalyq kompaniiasy Abai atyndaǵy QazUPÝ-dyń ISO 37001 «Sybailas jemqorlyqqa qarsy is-qimyl menedjmenti júiesi» halyqaralyq standartynyń talaptaryna sáikestik sertifikatyn berdi.
