Birinshi sanattaǵy jańa aqyly ýchaskelerde júrý úshin tólem tarifterin 2013 jylǵy deńgeide qaldyrý josparlanǵan. Bul týraly QR IIDM Avtomobil joldary komitetiniń tóraǵasy Tólegen Abdýllin aitty, dep habarlaidy QazAqparat.
Onyń atap ótýinshe, búgingi tańda aqyly avtomobil jolyna irgeles ákimshilik-aýmaqtyq birlikte belgilengen tártippen tirkelgen jergilikti jeńil kólik úshin quny 1000 teńge bolatyn jyldyq abonement satyp alý múmkindigi bar. Abonementter aqyly ýchaskeniń barlyq marshrýty úshin eki baǵytqa da qoldanylady. Jergilikti jeńil avtokólikke jyldyq abonementti rásimdeý úshin aqyly joldar boiynsha qyzmet kórsetý ortalyqtarynyń operatorlaryna júginý; jeke kýálik pen avtomobildiń tehnikalyq qujattamasyn usyný; ótinishti jazý; 1000 teńge kóleminde tólem júrgizý; chekti alý qajet.
«Sondai-aq, abonenttik tólem úshin bereshektiń joq ekenin aldyn ala tekserip, ózińizge yńǵaily kez kelgen tásilmen 1000 teńge somasyna ózińizdiń jeńil kólik quralyńyzdyń balansyn toltyrý kerek. Odan keiin 1403 nómirine, iaǵni «QazAvtoJol «UK» AQ bailanys ortalyǵyna qońyraý shalyp, abonement resimdegińiz keletini týraly habarlaý qajet. Bailanys ortalyǵynyń operatory sizdiń kólik quralyńyzdyń derekterin tekseredi. Barlyq qajetti parametrler sáikes kelgen jaǵdaida abonement resimdeledi», - dedi Tólegen Abdýllin Ortalyq kommýnikatsiialar qyzmetindegi baspasóz máslihatynda.
