بٸرٸنشٸ ساناتتاعى جاڭا اقىلى ۋچاسكەلەردە جٷرۋ ٷشٸن تٶلەم تاريفتەرٸن 2013 جىلعى دەڭگەيدە قالدىرۋ جوسپارلانعان. بۇل تۋرالى قر ييدم اۆتوموبيل جولدارى كوميتەتٸنٸڭ تٶراعاسى تٶلەگەن ابدۋللين ايتتى, دەپ حابارلايدى قازاقپارات.
ونىڭ اتاپ ٶتۋٸنشە, بٷگٸنگٸ تاڭدا اقىلى اۆتوموبيل جولىنا ٸرگەلەس ەكٸمشٸلٸك-اۋماقتىق بٸرلٸكتە بەلگٸلەنگەن تەرتٸپپەن تٸركەلگەن جەرگٸلٸكتٸ جەڭٸل كٶلٸك ٷشٸن قۇنى 1000 تەڭگە بولاتىن جىلدىق ابونەمەنت ساتىپ الۋ مٷمكٸندٸگٸ بار. ابونەمەنتتەر اقىلى ۋچاسكەنٸڭ بارلىق مارشرۋتى ٷشٸن ەكٸ باعىتقا دا قولدانىلادى. جەرگٸلٸكتٸ جەڭٸل اۆتوكٶلٸككە جىلدىق ابونەمەنتتٸ رەسٸمدەۋ ٷشٸن اقىلى جولدار بويىنشا قىزمەت كٶرسەتۋ ورتالىقتارىنىڭ وپەراتورلارىنا جٷگٸنۋ; جەكە كۋەلٸك پەن اۆتوموبيلدٸڭ تەحنيكالىق قۇجاتتاماسىن ۇسىنۋ; ٶتٸنٸشتٸ جازۋ; 1000 تەڭگە كٶلەمٸندە تٶلەم جٷرگٸزۋ; چەكتٸ الۋ قاجەت.
«سونداي-اق, ابونەنتتٸك تٶلەم ٷشٸن بەرەشەكتٸڭ جوق ەكەنٸن الدىن الا تەكسەرٸپ, ٶزٸڭٸزگە ىڭعايلى كەز كەلگەن تەسٸلمەن 1000 تەڭگە سوماسىنا ٶزٸڭٸزدٸڭ جەڭٸل كٶلٸك قۇرالىڭىزدىڭ بالانسىن تولتىرۋ كەرەك. ودان كەيٸن 1403 نٶمٸرٸنە, ياعني «قازاۆتوجول «ۇك» اق بايلانىس ورتالىعىنا قوڭىراۋ شالىپ, ابونەمەنت رەسٸمدەگٸڭٸز كەلەتٸنٸ تۋرالى حابارلاۋ قاجەت. بايلانىس ورتالىعىنىڭ وپەراتورى سٸزدٸڭ كٶلٸك قۇرالىڭىزدىڭ دەرەكتەرٸن تەكسەرەدٸ. بارلىق قاجەتتٸ پارامەترلەر سەيكەس كەلگەن جاعدايدا ابونەمەنت رەسٸمدەلەدٸ», - دەدٸ تٶلەگەن ابدۋللين ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
